Ibuku Lyakwe Ciili Lyakwe Samweli 22:1-51
22 Devedi wanenyile Yeova amazwi aya umu lwimbo luu+ pa wanda uno Yeova wamupuswishe uku yalwani+ yakwe yonsi na kuli Saulo.+
2 Watiile:
“Yeova i ciliwe cane nupya amuno nkafisama+ nupya aliwe akampususha.+
3 Leza wane ali ciliwe cane,+ amuno nkafisama,I cishangu cane+ nupya u lupembe* lwane ulwa kupususha*+Kacingilila wane, nupya ali ncende ino nkautukilako,+ kapususha wane+ wewe ukampususha uku unkalwe.
4 Nkalilila kuli Yeova uwalinga ukulumbanya,Nupya alampususha uku yalwani yane.
5 Imfwa yanzingulwike+ kwati a maimbi;Antu awelewele yantiinyizye+ kwati a mulamba.
6 Imyando yi Lindi* yanzingulwike;+Iviteyo vya mfwa vyali pa nkoleelo yane.+
7 Lino naculanga naliliile kuli Yeova,+Natwalilile ukulilila kuli Leza wane.
Lyene uvwile izwi lyane umwi tempele lyakwe,Nupya uvwile ukulila kwane.+
8 Insi ni vimawe+ vyatandike ukutenkana;Imifula yi yulu yatandike ukuzakaza+Nupya yasunkaananga pa mulandu wakuti yasosizye Leza.+
9 Icunsi cafumanga umu mpuno zyakwe,Nu moto wafumanga umu kanwa kakwe;+Na makala ya moto yafumanga kuli aliwe.
10 Walenzile mayulu kuyongana lino watentemukanga,+Nupya imfinzi ikalamba yaali umwisika lya ngazo zyakwe.+
11 Wakwezile pali kelubi+ nupya wizile ala akupapuka.
Walolekanga pa ciumbwa ca mupasi.*+
12 Waivimvile umu mfinzi kwati ali umwi tenti,+Waivimvile mu makumbi atifi nupya aatikame.
13 Makala ya moto yasile ukufuma uku luswepo ulwali uku nkoleelo yakwe.
14 Lyene Yeova watandike ukupangalakansha ukufuma umwi yulu;+Uwa Papelapela walenzile izwi lyakwe ukuvwika.+
15 Walasile inceto+ nu kuyasalanganya;Nupya walesile ukuti ukumyantula kwa nkuwa kuyavulunganye.+
16 Pansi yakwe yemba patandike ukuloleka;+Mifula ya nsi yalolike pa mulandu nu kukalipa kwakwe Yeova,Nu mupu uwingi wafumile umu mpuno zyakwe.+
17 Watambalike ikasa lyakwe ukufuma ukwi yulu;Wandemile nu kumfumya umu manzi aingi.+
18 Wampuswishe uku mulwani+ wane uwa maka,Ku yantu ampata nupya aakwatishe maka ukuncila.
19 Izile umu kuncuzya lino nali ni ntazi,+Lelo Yeova wantungilile.
20 Wantwazile uku ncende icingililwe;+Wampuswishe pa mulandu wakuti wantemilwe.+
21 Yeova akandambula ukulingana nu ulungami wane;+Akandambula ukulingana na ukaele wane.+
22 Pano natwalilila ukulondela masunde yakwe Yeova,Nupya ntaasha Leza wane.
23 Nkalondela masunde+ yakwe yonsi;Nupya ntalatala mfumemo.
24 Ndatwalilila ukuya uwa kaele+ kuli Leza,Nupya ndatwalilila ukutaluka uku viipe.+
25 Si Yeova akandambule ukulingana nu ulungami wane,+Nu kulingana na ukaele wane kuli aliwe.+
26 Ku muntu uwa cisinka ukaya ni cisinka;+Nu ku muntu uwa kaele nupya uwa maka, ukaya uwa kaele.+
27 Ku muntu umusanguluke ukaya umusanguluke,+Lelo uku ncenjezi ukaya umucenjele.+
28 Pano ukapususha antu aicefye,+Lelo wapata acilumba nupya ukayalenga ukuya aasuulwe.+
29 Pano wewe lampi wane, we Yeova;+A Yeova aakankozezya umu mfinzi.+
30 Pa mulandu nu kwazwa kwako ningalwisha alwaniPa mulandu na maka yakwe Leza ningatoloka iciumba.+
31 Vyonsi vino Leza wa cumi akacita i vimalilike;+Vino Yeova akalanda i visanguluke.+
I cishangu kuli yonsi aakafisama muli aliwe.+
32 Uzye a Leza ci uwacila pali Yeova?+
A Leza ci uwaya wa ciliwe ukucila Leza witu?+
33 Muli Leza wa cumi amuno nkafisama,+Nupya alalenga inzila yane ukuya imalilike.+
34 Akalenga ingazo zyane ukuya wakwe zyakwe mpombo;Akandenga ukwimilila pasanzuke.+
35 Akansambilizya ivya kulwa inkondo,Namanya ni vya kuomvya ulapwa uwapangilwa na koopa.
36 Ukampeela icishangu cako ica kupususha,Nupya ukuicefya kwako kukancindamika.+
37 Ukankuzizya inzila;Nupya ntalapona.+
38 Ndazinganya alwani yane nu kuyalovya;Ntalaweluluka mpaka nkayamale yonsi.
39 Nupya ndayakoma nu kuyalovya pakuti yatakakatuke nupya,+Yalaponela pa ngazo zyane.
40 Ulampeela maka ya kulwila ulwi;+Ulalenga alwani yane ukupona pansi.+
41 Ulalenga alwani yane ukuutuka kufuma kuli nene;+Ndakoma antu aampata.+
42 Yakalonda uwa kuyazwa, lelo kutaaya aakayapususha;Yakalilila kuli Yeova, lelo asiyasuka.+
43 Ndayashunola nupya yalashala wa lukungu;Ndayavungola nu kuyalyatola kwati a matipa ya mu museo.
44 Ulampususha uku yantu yane+ aakandondelezya.
Ulancingilila uku ntunguluzi zya nko;+Antu yano ntamanya yalampususha.+
45 Antu aku mpanga zyuze yalamfukamila;+Vino yaluvwa pali nene vilalenga yanguvwila.
46 Antu aku mpanga zyuze yaluvwa intete;Yalazuka yakuzakaza ukufuma muno yakafisama.
47 Yeova u wa umi! Lekini Leza wane, Iciliwe cane+ alumbanyiziwe!
Nupya lekini Leza, iciliwe cane ica kupusukilamo acindikwe.+
48 Leza wa cumi akandandwilako;+Akalenga antu yano nkateeka yanguvwila;+
49 Akampususha uku yalwani yane.
Ukantalusha+ kuli yano yakulonda ukunzanza pakuti yatanzanza;Ukampususha uku muntu wa unkalwe.+
50 Ali mulandu uno ndakulumbanyizizya, we Yeova, mu yantu ya mu nko,+Nupya ndimba inyimbo zya kulumbanya izina lyako:+
51 Akacita imilimo ikalamba iya kupususha umwene+ wakwe;Akalanga ukutemwa kwa cumi ku musoololwe wakwe,Kuli Devedi nu ku yana yakwe amanda pe.”+
Mafutunoti
^ Lolini Ulondolozi wa Mazwi.
^ Nanti “kapususha wane uwa maka.”
^ Lolini Ulondolozi wa Mazwi.
^ Nanti “pa maapa ya muza.”
