IUZYO 6
I Vyani Vino Baibo Yasowile Pali Mesiya?
USESEMO
“We Betelemu Efulata, . . . muli wewe u mulafuma kateeka uwa mu Izlaeli.”
KUFIKILIZIWA
“Pa cisila cakuti Yesu wavyalwa umu musumba wa Betelemu uwayelile mu Yudeya, mu manda ya Mwene Helodi, lolini! aakasapoola ukuomvya intanda yafumile ku Ufumondaka nu kwiza uku Yelusalemu.”
USESEMO
“Yakwankana ivyakuzwala vyane, nupya yakupendola pa cakuzwala cane.”
KUFIKILIZIWA
“Lyene lino asilika yapoopiile Yesu pa cimuti, yatozile ivyakuzwala vyakwe ivya kunzi nu kwankanya apali 4, . . . Lelo icakuzwala ca mukasi citaakweti umusumo, cali icilemenkane ukufuma papela suka apansi. Lyene yatandike ukulanzyanya iyati: ‘Tutacilepula, lelo lekini tupendole pakuti tumanye wino amacisenda.’”
USESEMO
“Akacingilila mafupa yakwe yonsi; kusi nanti alyonga ilyakontoka.”
KUFIKILIZIWA
“Lino yafisile pali Yesu yazanyile ukuti watafwa mpiti, fwandi wene yatamuvunyile makulu.”
USESEMO
“Watosilwe pa mulandu nu kuluvyanya kwitu.”
KUFIKILIZIWA
“Umusilika wenga watosile Yesu ni sumo umu mbazo, nupya lilyo kwene uwazi na manzi vyafumile.”
USESEMO
“Yampeezile malipilo yane, kuli kuti impiya 30 zyakwe siuva.”
KUFIKILIZIWA
“Lyene wenga pa yatumwa 12 wino yamanga yakuti Yuda Iskalyoti, waile kuli ya simapepo akalamba nu kuyuzya ati: ‘I cani cino mumampeela ndi cakuti nafutuka Yesu pakuti mumuleme?’ Nayo yamulavile ukumupeela impiya zyakwe siuva 30.”
