IUZYO 2
Mungacita Uli Pakuti Musambilile Pali Leza?
“Ibuku lii lya masunde litalinzile ukufuma umu kanwa kako, walibelenga nu kwelenganyapo umusanya nu usiku, pakuti uwalondela sana ivyalembwamo; pano alino ulatunguluka nu kuya na mano.”
“Yatwalilile ukubelenga ni izwi lyuvwike ivyali umwi buku, kuli kuti masunde yakwe Leza wa cumi; yalondololanga ningo nu kulondolola upiliulo uwa mazwi aalimo; fwandi yavwilizye antu ukuvwikisha vino yabelenganga.”
“Uwa nsansa u muntu aasilondela ukupanda mano ukwa yantu aipe . . . , lelo akasansamukila umu masunde yakwe Yeova, nupya akabelenga umu masunde yakwe Leza nu kwelenganyapo sana umusanya nu usiku. . . . Nupya vyonsi vino akacita vilaya ningo.”
“Filipi wasimwile aya azana iceleta nupya uvwile mutungwi akubelenga ivyalembwa vyakwe kasesema Ezaya, lyene wamuzizye ati: ‘Uzye ukuvwa vino ukubelenga?’ Nawe waswike ati: ‘Ninguvwa uli ukwaula uwa kungavwa?’”
“Pano ukufuma pano Leza waumbiile insi imiyele yakwe iisiloleka, kuli kuti amaka yakwe na Uleza wakwe, ikalolekela umu vintu vino waumba, icakuti yataakwata nu mwa kubepekezya.”
“Waelenganya pa vintu vii; waikishako mano, pakuti antu yonsi yalola vino ukulunduluka.”
“Nupya lekini twasakamalana pakuti twacincizyanya umu kutemwa nu mu kuomba imilimo isuma, tutaatazyela ukulongana kwitu.”
“Ndi cakuti umwi muli mwemwe uulizya mano, lekini atwalilile ukulenga kuli Leza, pano wene akapeela kuli yonsi ukwaula ukukalipila, nupya Leza alamupeela mano.”
