ZE EZAHALA MWA LIFASI

Germany

Mwa 2012, kuta ye ñwi ye pahami ka ku fitisisa ya mwa Germany ne i atuzi kuli batu ha ba koni ku tuhela ku swalisana ni keleke ye tuna, kono inze ba sa zwelapili ku balelwa kwa keleke yeo. Makatolika ba ne ba siile keleke ya bona, ili ba ba tuhezi ku lifanga mutelo wa keleke, kono ili ba ba sa zwelapili mwa tumelo ya bona, ba kana ba haniswa ku amuhelanga silalo, ku ya kwa pako, ku fumana situlo, mane nihaiba ku bulukiwa ki ba keleke.

Lifasi

Patisiso ye ne ezizwe ka za bulapeli bwa mwa lifasi ne i bonisize kuli batu ba “ba si na bulapeli,” kono ili ba ba sa ha ni luli kuli Mulimu u teñi ba fita fa palo ye eza 1.1 bilioni. Palo ya bona ki ya bulaalu ku zwa kwa palo ya Bakreste ye eza 2.2 bilioni ni palo ya Mamozilemu ye eza 1.6 bilioni. Palo ya Mahindu ne li ya bune, mi ba fita fa palo ye bato ba 1 bilioni.

Japan

Licaziba ba sayansi ba mwa Japan ba bonisize kuli “ku lumbiwa kwa tusa likalulo ze ñwi za booko,” hamohocwalo ni ku tahiseza mutu “tabo.” Taba yeo, i yemela taba ya kuli ku lumba batu ki nzila ye nde ya ku ba susueza ku eza licinceho ze nde.

Bolivia

Kwa mafelelezo a 2012, mwa naha ya Bolivia ne ku ezizwe sipalo sa ku bala batu kaufela mwa naha. Kuli palo ya batu i baliwe ka ku nepahala, batu ba mwa Bolivia ne ba tokwa ku ba mwa mandu a bona fa lizazi la sipalo. Ku tuha fo, batu ne ba sa lumelezwi ku zamaisa limota za bona mwa mikwakwa, mi ne ku si na ya lumelezwa ku nwa bucwala.

Italy

Mwa patisiso ye ñwi, ku bonisa kuli ka avareji batu ba mwa Italy ba bapalanga ni bana ba bona ka mizuzu ye 15 ka zazi. Mutende wa La Repubblica u bulela kuli: “Ki a li muñwi feela kwa bashemi ba ketalizoho ya nahana kuli ku bapala ni banana ki nzila ye ñwi ya ku ba luta.” Caziba ya panganga milabalaba ya bizwa Andrea Angiolino, u bulela kuli ka ku bapalanga ni banana bashemi ba tusa bana ba bona ku ba ni buikoneli bwa ku nahana ni “ku ituta ku latelela milao.”

[Manzwi a bañi ba siswaniso fa likepe 3]

Tax form: ollo/E+/Getty Images

[Manzwi a bañi ba siswaniso fa likepe 3]

Police: Photo by Jose Luis Quintana/LatinContent/Getty Images