Samuel omutivali 22:1-51
22 David okwa imbila Jehova eimbilo eli+ mefiku olo Jehova e mu xupifa momake ovatondi vaye aveshe+ nomomake aSaul.+
2 Okwa ti:
“Jehova oye oshikulundudu shange nohotengulu yange,+ nOye ta xupifa nge.+
3 Kalunga kange oye emanya lange,+ omo handi kongo eameno,Oshikelelifo shange+ noluvinga* lange lexupifo,* ouhondameno wange wa amenwa,*+Nonhele yange oko handi tondokele,+ omuxupifi wange,+ ove ou wa xupifa nge koukolokoshi.
4 Ohandi kongo ekwafo kuJehova, oo a wana okutangwa,Nota ka xupifa nge kovatondi vange.
5 Omakufikufi efyo okwa li a dingilila nge.+Ngaashi omeva efundja, ouhapu wovakolokoshi owa tilifa nge.+
6 Eengodi dOmbila* oda li da dingilila nge;+Eemwiyo defyo oda li da kondeka nge.+
7 Moudjuu wange, onda ifana Jehova,+Onda kala nokwiifana Kalunga kange.
Opo nee okwa uda ondaka yange okudja motembeli yaye,Naashi nde mu lilila ekwafo, osha fika momatwi aye.+
8 Edu nomamanya oya hovela okukakama nokulinyenganyenga ya yuka kombinga imwe nokombinga ikwao;+Omakanghameno okeulu okwa dekweta,+Nokwa ndjungwandjungwa, molwaashi okwa li a handukifwa.+
9 Momayulu aye omwa dja omwifi,Nomokanya kaye omwa dja omundilo tau lungwinifa;+Muye omwa dja omakala a xwama omundilo.
10 Eshi a li ta londoloka, okwa lemena eulu pedu,+Nokoshi yeemhadi daye okwa li omilaulu fokofoko.+
11 Okwe uya ta tuka, a londa komukerubi.+
Okwa li e liwetikile komavava omweengeli.*+
12 Opo nee okwa li a dingililwa komilaulu di li onga onhele yokuyaama,+Koilemo ilaula i yadi omeva.
13 Mouyelele wa twa oo wa li puye omwa dja omakala omundilo a tema.
14 Opo nee Jehova okwa hovela okungunguma meulu;+Omukombadambada okwa ningifa ondaka yaye i udike.+
15 Okwa umba oikuti yaye,+ ndele te va halakanifa;Okashelu, nokwe va ngwangwaneka.+
16 Oukukutu wefuta ou wetike;+Nomakanghameno edu okwa hololwa kehanyeno laJehova,Omolwomufudo u na eenghono, oo wa dja momayulu aye.+
17 Okwa lovelela nge okudja pombada;Okwa kwata nge, nokwa nana nge mo momeva male.+
18 Okwa xupifa nge kovatondi vange ovanaenghono,+Kwaavo ve tonde nge, ovo va li ovanaenghono ve dule nge.
19 Ova ponokela nge mefiku loudjuu wange,+Ndele Jehova okwa li ta yambidida nge.
20 Okwa twala nge konhele ya amenwa;+Okwa xupifa nge, molwaashi okwa li a hokwa nge.+
21 Jehova okwa pa nge ondjabi omolwouyuki wange;+Okwa pa nge ondjabi omolwomake ange ehe na etimba.*+
22 Osheshi onda diinina eendjila daJehova,Noinandi fiya po Kalunga, molwaashi oshi li oshinima shii.
23 Ohandi dimbuluka omatokolo aye aeshe,+Noitandi yapuka mo meenghedimhango daye.+
24 Onda tokola okukala ndihe na etimba+ koshipala shaye,Nohandi likelele ndiha nyone.+
25 Jehova na pe nge ondjabi omolwouyuki wange,+Nomolwokuhe na etimba kwange koshipala shaye.+
26 Kwaao e li omudiinini, oto kala omudiinini;+Omunhu oo e li omuyuki* nomunaenghono, oto ungaunga naye pauyuki;+
27 Kovanashili elela, oto kala omunashili,+Ashike omukengeleledi oto ke mu enda medu.+
28 Oto xupifa ovalininipiki,+Ashike ou wete nou tonde ovalinenepeki, noto ke va katukila onghatu.+
29 Osheshi, akutu, Jehova, oove olamba yange;+Jehova oye ha minikile nge, ngeenge ndi li momilaulu.+
30 Kekwafo loye, ohandi dulu okulwifa ongudu yovasheki;Ohandi dulu okulonda ekuma keenghono daKalunga.+
31 Ondjila yaKalunga kashili oya wanenena;+Omalombwelo aJehova okwa yela.+
Oye oshikelelifo kwaaveshe ovo tava kongo eameno kuye.+
32 Osheshi olyelye vali Kalunga ehe fi ashike Jehova?+
Nolyelye emanya ehe fi Kalunga ketu?+
33 Kalunga kashili oye ohotekuma yange ya pama,+Nota ka lalakanifa omalila ange.+
34 Ota ningifa eemhadi dange di kale ngaashi omakondo omenye;*Ota fikameke nge keenhele dokoikulundudu.+
35 Omake ange ote a deulile olwoodi;Omaoko ange otaa dulu okulukila outa wongopolo.
36 Owa pa nge oshikelelifo shoye shexupifo,Nelininipiko loye ola tumbalekifa nge.+
37 Owa mbwalangadjeka* ondjila yeemhadi dange;Eemhadi* dange itadi i omufenu.+
38 Ohandi ka taataa ovatondi vange, noku va hanauna po;Itandi aluka, fiyo osheshi va kombololwa po sheke.
39 Nohandi ke va komba po noku va nyanyaula, opo vaha penduke po;+Otava ka wila koshi yeemhadi dange.
40 Oto ka pa nge eenghono domolwoodi;+Oto ka kwafela nge ndi finde ovatondi vange.+
41 Oto ka ningifa ovatondi vange va faduke nge po;*+Ohandi ka xulifa po* ovo ve tonde nge.+
42 Otava pula ekwafo, ashike kape na ou te va xupifa;Otava lilile nokuli Jehova e va kwafele, ndele ite va nyamukula.+
43 Ohandi ke va twa va nyanyauka filufilu, ndele tava kala ngaashi ondwi yedu;Ohandi ke va denga noku va tyanghaula ngaashi onhata momapandavanda.
44 Oto ka xupifa nge kwaavo tava konenene omapuko ange.+
Oto ka amena nge ndi ninge omutwe woiwana;+Ovanhu ovo ndihe shii otava ka longela nge.+
45 Ovanailongo otava ka twila nge eengolo va tila;+Osho va uda kombinga yange otashi ke va ningifa va dulike kwaame.*
46 Ovanailongo otava ka kanifa ouladi;*Otave ke uya tava kakama okudja meehotengulu davo.
47 Jehova omunamwenyo! Emanya lange nali tangwe!+
Kalunga kemanya lexupifo lange na tumbalekwe.+
48 Kalunga kashili ote va handukile ponhele yange;+Ovanhu ote va tula koshi yewiliko lange;+
49 Oha amene nge kovatondi vange.
Oho yelula nge+ pombada yaavo tava ponokele nge;Owa xupifa nge komunhu oo ha longifa eenghono.+
50 Nomolwaasho, akutu, Jehova, handi ku pandula mokati koiwana,+Nedina loye ohandi ke li imbila omaimbilohambelelo:*+
51 Oha xupifa* ohamba yaye meenghedi dikumwifi;+Oha ulikile omuvaekwa waye ohole i na oudiinini,David noludalo laye fiyo alushe.”+
Omashangelo opedu
^ Tala Omafatululo oitya.
^ Ile “nomuxupifi wange omunaenghono.”
^ Ile “eameno lange la shiya ko.”
^ Ile “do-Sheol,” sha hala okutya, koufi. Tala Omafatululo oitya.
^ Ile “omhepo.”
^ Eln., “oukoshoki.”
^ Ile “a koshoka.”
^ Ile “onyapi.”
^ Ile “nenepeka.”
^ Ile “Eemhando.”
^ Ile “Oto ka ningifa ovatondi vange va pilamene nge.”
^ Eln., “mweneka.”
^ Eln., “Moku shi uda nomatwi avo, otava ka dulika kwaame.”
^ Ile “kana po.”
^ Ile “shikila omusika.”
^ Ile “etele efindano linene.”
