Exodo 15:1-27
15 Iti dayta a tiempo kinanta ni Moises ken ti annak ti Israel daytoy a kanta ken Jehova ket kinunada ti sumaganad:+“Bay-anyo a kantaak ni Jehova, ta nagbalin a natan-ok unay.+Ti kabalio ken ti nakasakay iti dayta intapuakna iti baybay.+
2 Ti pigsak ken pannakabalinko isu ni Jah,+ yantangay isu agserbi iti pannakaisalakanko.+Daytoy ti Diosko, ket idaydayawkonto;+ ti Dios ni amak,+ ket itan-okkonto.+
3 Ni Jehova ket malalaki a mannakigubat.+ Jehova ti naganna.+
4 Dagiti karuahe ni Faraon ken dagiti puersa militarna intapuakna iti baybay,+Ket dagiti napili kadagiti mannakigubatna naipalnedda iti Nalabaga a Baybay.+
5 Inabbongan ida ti agdadarison a dandanum;+ nagpababada kadagiti kaadalman a kasla maysa a bato.+
6 Ti makannawan nga imam, O Jehova, pampaneknekanna a nabileg ti kabaelanna,+Ti makannawan nga imam, O Jehova, mabalinna a buraken ti kabusor.+
7 Ket iti kinaruay ti kinatan-okmo mabalinmo a rebbaen dagidiay tumakder a bumusor kenka;+Ibaonmo ti sumsumged nga ungetmo, ibusenna ida a kasla punget.+
8 Ket babaen ti anges manipud kadagiti abut ti agongmo+ namuntuon ti dandanum;Nagtakderda a siiintek a kasla puttot dagiti layus;Ti agdadarison a dandanum nagbalayda iti puso ti baybay.
9 Kinuna ti kabusor, ‘Kumamatakto!+ Kumamakamakto!+Bingayekto ti samsam!+ Ti kararuak mapnonto kadakuada!Asutekto ti kampilanko! Pagtalawento ida ti imak!’+
10 Nagpuyupoyka babaen ti angesmo,+ inabbongan ida ti baybay;+Limnedda a kasla buli iti nadaeg a dandanum.+
11 Siasino kadagiti didios ti kas kenka, O Jehova?+Siasino ti kas kenka, a pampaneknekam a mannakabalinka iti kinasanto?+Daydiay mapagbutngan+ buyogen ti kankanta a pangidaydayaw,+ Daydiay agar-aramid kadagiti pagsidsiddaawan.+
12 Inyunnatmo ti makannawan nga imam,+ ti daga inalun-onna ida.+
13 Sika iti naayat a kinamanangngaasim indalanmo ti ili a binawim;+Sika iti pigsam sigurado nga iturongmonto ida iti nasantuan a disso a pagyanam.+
14 Masapul a mangngeg dagiti ili,+ aglagawdanto;+Dagiti ut-ot iti panaganak+ masapul a petpetanda dagiti agnanaed iti Filistia.
15 Iti dayta a tiempo pudno a mariribukanto dagiti shik ti Edom;No maipapan kadagiti naulpit nga agturay ti Moab, petpetanto ida ti panagpigerger.+Pudno a mapakapuyto dagiti amin nga agnanaed iti Canaan.+
16 Ti aliaw ken alinggaget umapayto kadakuada.+Gapu iti kinanaindaklan ti takiagmo saandanto a makakuti a kasla bato,Agingga a ti ilim+ lumabas, O Jehova,Agingga a ti ili a pinataudmo+ lumabas.+
17 Ipanmonto ida ken imulamto ida iti bantay ti tawidmo,+Maysa a naipasdek a disso nga insaganam tapno pagnaedam,+ O Jehova,Maysa a santuario,+ O Jehova, nga impasdek dagita imam.
18 Ni Jehova agturayto kas ari agingga iti tiempo a di nakedngan, iti mismo nga agnanayon.+
19 Idi a dagiti kabalio ni Faraon+ agraman dagiti karuahena a pakigubat ken dagiti kabalierona simrekda iti baybay,+Idin ni Jehova insublina ti dandanum ti baybay kadakuada,+Bayat a nagna ti annak ti Israel iti namaga a daga iti tengnga ti baybay.”+
20 Ket ni Miriam a mammadto a babai, kabsat ni Aaron,+ nangala iti pandereta iti imana;+ ket amin dagiti babbai rinugianda ti rimmuar a makikuyog kenkuana buyogen dagiti pandereta ken iti salsala.+
21 Ket ni Miriam nagtultuloy a simmungbat kadagiti lallaki:+
“Kantaanyo ni Jehova,+ ta nagbalin a natan-ok unay.+Ti kabalio ken ti nakasakay iti dayta intapuakna iti baybay.”+
22 Kalpasanna ni Moises tinignayna ti Israel a pumanaw iti Nalabaga a Baybay ket napanda iti let-ang ti Sur+ ket nagmarmartsada iti tallo nga aldaw idiay let-ang, ngem saanda a nakasarak iti danum.+
23 Idi agangay dimtengda idiay Mara,+ ngem saanda a nabalinan nga inumen ti danum manipud Mara agsipud ta napait. Dayta ti makagapu a pinanagananna iti Mara.+
24 Ket nangrugi nga agtanabutob dagiti umili maibusor ken Moises,+ a kunkunada: “Ania ti inumenmi?”
25 Idin nagpukkaw ken Jehova.+ Gapuna isu inturong ni Jehova iti maysa a kayo, ket impuruakna dayta iti danum ket ti danum simmam-it.+
Sadiay Isu nangipasdek maipaay kadakuada iti alagaden ken iti kaso a maipaay iti panangukom ket sinubokna ida sadiay.+
26 Ket kinunana: “No imdengamto a siiinget ti timek ni Jehova a Diosmo ket aramidemto no ania ti umiso kadagiti matana ket pudno nga imdengamto ti bilbilinna ken salimetmetam dagiti amin nga alagadenna,+ awanto ti ikabilko kenka a saksakit nga inkabilko kadagiti Egipcio;+ agsipud ta siak ni Jehova a mangpaimbag kenka.”+
27 Kalpasan dayta dimtengda idiay Elim, a sadiay adda sangapulo ket dua nga ubbog ti danum ken pitopulo a kayo a palma.+ Gapuna nagpakarsoda sadiay iti sibay ti danum.

