Wat Luke Wen Write 3:1-38
3 In da 15th year wen Ti·beʹri·us Caesar wuz rula, Pontius Pilate wuz govna of Ju·deʹa, Herod* wuz ruling* ova Galʹi·lee, his braddah Philip wuz rula ova It·u·raeʹa an Trach·o·niʹtis, Ly·saʹni·as wuz rula ova Ab·i·leʹne,
2 an wen Anʹnas an Caʹia·phas wuz main pries, God wen give one message to John, da son of Zech·a·riʹah, in da boonies.
3 So he go all aroun by da Jordan Riva, telling peopo fo get baptize fo show dey sorry fo dea sins an dat dey like God fogive dem,
4 jus like Isaiah da prophet wen write in his book: “Can hea somebody yelling from da boonies: “Clear da road, an make um ready fo Jehovah!*
5 Gotta fill up evry valley an level evry mountain an hill. Gotta make da crooked roads strait an da rough roads smooth.
6 An evrybody* goin see da way dat God goin save peopo.””
7 He start fo tell da guys dat wen come fo get baptize: “You guys iz jus like poisonous snakes cuz of da stuff you do. How come you stay hea? You tink you can get away an no get punish from God?
8 You gotta show dat you fo real kine sorry by da tings you do. Dass jus like one tree dat give good fruit. Eh, no even start fo make excuse an tell: “We get Abraham az oua faddah.” Cuz I telling you right now, God can make dese rocks come Abraham’s kids.
9 Fo shua, da whole tree stay ready fo be cut down. So den, evry tree dat no give good fruit goin get cut down an thrown inside da fiyah.”
10 An all da peopo ask him: “Wat we gotta do den?”
11 He tell dem: “Da guy dat get extra clothes gotta share um wit da guy dat no moa, an da guy dat get food gotta share um wit da guy dat no moa.”
12 Even da tax collectas wen come fo get baptize, an dey sed to him: “Teacha, wat we gotta do?”
13 He sed to dem: “No colleck moa taxes den suppose to.”
14 An da soldiers ask him: “Wat we gotta do?” He tell dem: “No bully nobody or blackmail dem, but be happy wit wat you get paid.”*
15 Da peopo wuz waiting fo da Christ an all dem wuz tinking, “I wonda if John iz da Christ?”
16 John tell evrybody: “I baptize you guys wit watta, but da one dat get moa powa den me stay coming, an I not even good enuff fo go down an untie his sandals. He goin baptize you wit powa from God an wit fiyah.
17 He get one shovel in his hand dat he goin use fo split up da grain from da wheat plant. He goin clean up da place wea he do dat an take da grain an store um, but da junks he goin burn inside da fiyah dat no can get put out.”
18 He tell da peopo plenny moa stuff fo make dem strong an wen keep telling da good news to dem.
19 But cuz John wen scold Herod da rula fo marrying his braddah’s wife He·roʹdi·as, an fo all da odda bad stuff he did,
20 Herod go do one moa bad ting, he throw John in jail.
21 John wen baptize plenny peopo, an he baptize Jesus too. Wen Jesus wuz praying, da sky* had open up,
22 an God’s powa wen look like one dove an go on top him. Den had one voice from heaven tell: “You my Boy, da one I love, you make me real happy.”
23 Wen Jesus start his work, he wuz aroun 30 years old. Peopo know him az da sonof Joseph,son of Heʹli,
24 son of Matʹthat,son of Leʹvi,son of Melʹchi,son of Janʹna·i,son of Joseph,
25 son of Mat·ta·thiʹas,son of Aʹmos,son of Naʹhum,son of Esʹli,son of Nagʹga·i,
26 son of Maʹath,son of Mat·ta·thiʹas,son of Semʹe·in,son of Joʹsech,son of Joʹda,
27 son of Jo·anʹan,son of Rheʹsa,son of Ze·rubʹba·bel,son of She·alʹti·el,son of Neʹri,
28 son of Melʹchi,son of Adʹdi,son of Coʹsam,son of El·maʹdam,son of Er,
29 son of Jesus,son of E·li·eʹzer,son of Joʹrim,son of Matʹthat,son of Leʹvi,
30 son of Symʹe·on,son of Judas,son of Joseph,son of Joʹnam,son of E·liʹa·kim,
31 son of Meʹle·a,son of Menʹna,son of Matʹta·tha,son of Nathan,son of David,
32 son of Jesʹse,son of Oʹbed,son of Boʹaz,son of Salʹmon,son of Nahʹshon,
33 son of Am·minʹa·dab,son of Arʹni,son of Hezʹron,son of Peʹrez,son of Judah,
34 son of Jacob,son of Isaac,son of Abraham,son of Teʹrah,son of Naʹhor,
35 son of Seʹrug,son of Reʹu,son of Peʹleg,son of Eʹber,son of Sheʹlah,
36 son of Ca·iʹnan,son of Ar·pachʹshad,son of Shem,son of Noah,son of Laʹmech,
37 son of Me·thuʹse·lah,son of Eʹnoch,son of Jaʹred,son of Ma·haʹla·le·el,son of Ca·iʹnan,
38 son of Eʹnosh,son of Seth,son of Adam,son of God.
