Salmo 88:1-18
Usa ka awit, usa ka salmo sa mga anak ni Kore. Ngadto sa direktor sa Mahalath alang sa mga tubagtubag. Maskil ni Heman+ nga Ezrahanon.
88 Oh Jehova, ang Diyos sa akong kaluwasan,+Sa maadlaw ako nagatuaw,+Sa magabii usab sa imong atubangan.+
2 Sa imong atubangan ang akong pag-ampo modangat.+Ikiling ang imong igdulungog sa akong mapangaliyupoong pagtuaw.+
3 Kay ang akong kalag napuno sa mga katalagman,+Ug ang akong kinabuhi nahiabot sa Sheol.+
4 Ako giisip na nga uban niadtong nanaog sa gahong;+Nahisama ako sa usa ka tawo nga lig-on ug lawas nga walay kusog,+
5 Nga napagawas taliwala sa mga patay,+Sama sa mga pinatay nga nagahay-ad sa lubnganan,+Nga wala na nimo mahinumdomiUg nga nabulag gikan sa imong kamot nga matinabangon.+
6 Gibutang mo ako sa kinalaloman nga gahong,Sa mga dapit nga mangitngit, sa usa ka dakong kahiladman.+
7 Ang imong kaaligutgot midat-og kanako,+Ug gisakit mo ako pinaagi sa tanan mong mapusgay nga mga balod.+ Seʹlah.
8 Gipahilayo mo kanako ang akong mga kaila;+Gihimo mo ako nga dulumtanan kaayo alang kanila.+Ako nabilanggo ug dili makagula.+
9 Ang akong mata naluya tungod sa akong kasakitan.+Oh Jehova, nagsangpit ako kanimo sa tibuok nga adlaw;+Akong gibayaw ang akong mga kamot nganha kanimo.+
10 Pagabuhaton mo ba ang kahibulongang butang alang sa mga patay?+O mobangon ba kadtong mga walay gahom sa kamatayon,+Magadayeg ba sila kanimo?+ Seʹlah.
11 Igapahayag ba ang imong mahigugmaong-kalulot didto sa lubnganan,Ang imong pagkamatinumanon diha sa dapit sa kalaglagan?+
12 Pagailhon ba ang imong kahibulongang butang diha sa kangitngitan,+O ang imong pagkamatarong diha sa yuta sa pagkalimot?+
13 Apan kanimo, Oh Jehova, nagatuaw ako alang sa tabang,+Ug sa pagkabuntag ang akong pag-ampo modangat kanunay sa imong atubangan.+
14 Ngano ba, Oh Jehova, nga gisalikway mo ang akong kalag?+Nganong ginatago mo kanunay ang imong nawong gikan kanako?+
15 Ako gisakit ug himalatyon sukad pa sa akong pagkabata hangtod karon;+Nagaantos ako nga hilabihan sa makalilisang nga mga butang gikan kanimo.+
16 Sa ibabaw nako miagi ang mga silaob sa imong kasuko;+Ang mga kalisang nga nagagikan kanimo nagpahilom kanako.+
17 Sa tibuok nga adlaw sila naglibot kanako sama sa katubigan;+Silang tanan nagdungan sa paglikos kanako.
18 Gipahilayo mo kanako ang higala ug kauban;+Ang akong mga kaila maoy dapit nga mangitngit.+
