Salmo 123:1-4
Usa ka Awit sa Pagtungas.
123 Giyahat ko ang akong mga mata kanimo,+Oh Ikaw nga nagapuyo sa kalangitan.+
2 Tan-awa! Ingon nga ang mga mata sa mga alagad gipunting sa kamot sa ilang agalon,+Ingon nga ang mga mata sa sulugoong babaye gipunting sa kamot sa iyang agalong babaye,+Mao usab ang among mga mata gipunting kang Jehova nga among Diyos+Hangtod nga magpakita siya ug kaluoy kanamo.+
3 Pakitai kami ug kaluoy, Oh Jehova, pakitai kami ug kaluoy;+Kay nahupong gayod kami sa hilabihang pagtamay.+
4 Ang among kalag nahupong gayod sa hilabihang pagyubit niadtong anaa sa kaharuhay,+Sa pagtamay sa mga mapasigarbohon.+
