Salmo 24:1-10
Iya ni David. Usa ka salmo.
24 Iya ni Jehova ang yuta ug ang tanan nga anaa niini,+Ang mabungahong yuta ug ang nagpuyo niini.+
2 Kay siya lig-ong nagpahimutang niini sa ibabaw sa kadagatan,+Ug siya lig-ong nagtukod niini sa ibabaw sa kasubaan.+
3 Kinsa ba ang makasaka ngadto sa bukid ni Jehova,+Ug kinsa ba ang makatindog diha sa iyang balaang dapit?+
4 Siya nga inosente sa iyang mga kamot ug mahinlo sa kasingkasing,+Kinsa wala magdala sa Akong kalag ngadto sa bug-os nga kawalay-kapuslanan,+Ni nanumpa sa pagkamalimbongon.+
5 Magadala siya ug panalangin gikan ni Jehova+Ug pagkamatarong gikan sa iyang Diyos sa kaluwasan.+
6 Kini mao ang kaliwatan sa mga nagapangita kaniya,Sa mga nagapangita sa imong nawong, Oh [Diyos ni] Jacob.+ Seʹlah.
7 “Ipataas ang inyong mga ulo, Oh kamong mga ganghaan,+Ug ipataas ninyo ang inyong kaugalingon, Oh malungtaron nga mga pultahan,+Aron mosulod ang mahimayaong Hari!”+
8 “Nan, kinsa ba kining mahimayaong Hari?”+“Si Jehova nga kusgan ug gamhanan,+Si Jehova nga gamhanan sa gubat.”+
9 “Ipataas ang inyong mga ulo, Oh mga ganghaan;+Oo, ipataas ninyo sila, Oh malungtaron nga mga pultahan,Aron mosulod ang mahimayaong Hari!”+
10 “Nan, kinsa ba kining mahimayaong Hari?”“Si Jehova sa mga panon—siya mao ang mahimayaong Hari.”+ Seʹlah.
