Salmo 74:1-23
Maskil. Iya ni Asap.+
74 Oh Diyos, nganong gisalikway mo kami hangtod sa kahangtoran?+Nganong nagaaso ang imong kasuko batok sa mga karnero sa imong sibsibanan?+
2 Hinumdomi ang imong katigoman nga imong nabatonan kanhi,+Ang tribo nga imong gitubos ingon nga imong panulondon,+Kining Bukid sa Zion nga imong ginapuy-an.+
3 Alsaha ang imong mga tiil ngadto sa mga pagkalaglag nga dumalayon.+Ang tanang butang diha sa balaang dapit giamong-amongan sa kaaway.+
4 Kadtong nagapakitag pagkamabatokon kanimo nagngulob sa taliwala sa imong dapit nga tigomanan.+Gipahimutang nila ang ilang kaugalingong mga ilhanan ingong mao ang mga ilhanan.+
5 Ang usa banggiitan nga sama kaniya nga mobakyaw ug mga atsa diha sa masiot nga kakahoyan.
6 Ug karon ang mga kinulit gikan niana, ang tanan gayod, ginahapak nila sa gamayng atsa ug sa mga pakang nga puthaw ug tumoy.+
7 Gisugnod nila sa kalayo ang imong sangtuwaryo.+Gipasipalahan nila ang tabernakulo sa imong ngalan ngadto mismo sa yuta.+
8 Sila, ingon man ang ilang mga kaliwat, sa tingob nag-ingon sulod sa ilang kasingkasing:“Ang tanang dapit nga tigomanan sa Diyos diha sa yuta pagasunogon.”+
9 Ang atong mga ilhanan wala na nato makita; wala nay manalagna,+Ug walay usa kanato ang nahibalo kon hangtod kanus-a.
10 Hangtod kanus-a ba, Oh Diyos, nga ang kaaway magapadayon sa pagpakaulaw?+Magapadayon ba sa pagpasipala ang kaaway sa imong ngalan hangtod sa kahangtoran?+
11 Nganong wala mo palihoka ang imong kamot, ang imong tuong kamot mismo,+Gikan sa taliwala sa imong sabakan aron tibawason kami?
12 Bisan pa niana ang Diyos mao ang akong Hari sukad pa kanhi,+Ang Usa nga nagahimo ug dakong pagluwas sa taliwala sa yuta.+
13 Gikutaw mo ang dagat pinaagi sa imong kusog;+Gidugmok mo ang mga ulo sa dagkong mga linalang sa dagat diha sa katubigan.+
14 Gidugmok mo ang mga ulo sa Leviatan.+Gihatag mo kini ingon nga pagkaon sa katawhan, niadtong nagapuyo sa walay-tubig nga mga rehiyon.+
15 Ikaw mao ang Usa nga nagbahin sa tuboran ug sa sapa;+Gipauga mo ang nagaagos-kanunay nga mga suba.+
16 Imo ang adlaw; imo usab ang gabii.+Giandam mo ang banwag, bisan ang adlaw.+
17 Ikaw mao ang nagbutang sa tanang utlanan sa yuta;+Ang ting-init ug ang tingtugnaw—ikaw mao ang naghimo kanila.+
18 Hinumdomi kini: Ang kaaway nagpakaulaw, Oh Jehova,+Ug ang walay salabotan nga katawhan nagpasipala sa imong ngalan.+
19 Ayaw itugyan sa ihalas nga mananap ang kalag sa imong tukmo.+Ayaw hikalimti ang kinabuhi sa imong mga sinakit hangtod sa kahangtoran.+
20 Tagda ang pakigsaad,+Kay ang mangitngit nga mga dapit sa yuta napuno sa mga puloy-anan sa kapintasan.+
21 Oh nga dili unta mobalik ang mga dinaogdaog nga napakaulawan.+Pagadayegon unta ang imong ngalan sa sinakit ug sa kabos.+
22 Tindog, Oh Diyos, dumalaha ang imong kaugalingong buroka.+Hinumdomi ang pagpakaulaw kanimo sa usa nga walay salabotan sa tibuok nga adlaw.+
23 Ayaw hikalimti ang tingog niadtong mga nagapakitag pagkamabatokon kanimo.+Ang kabanha niadtong mga nagatindog batok kanimo nagasaka sa kanunay.+
