Salmo 25:1-22
Iya ni David.
א [ʼAʹleph]
25 Kanimo, Oh Jehova, bayawon ko ang akong kalag.+
ב [Behth]
2 Oh Diyos ko, kanimo misalig ako;+Oh dili unta ako maulaw.Hinaot unta nga ang akong mga kaaway dili magsadya tungod kanako.+
ג [Giʹmel]
3 Labot pa, walay bisan kinsa nga nagalaom kanimo nga maulawan.+Sila nga nagmaluibon nga wala molampos maulawan.+
ד [Daʹleth]
4 Ipaila kanako ang imong mga dalan, Oh Jehova;+Tudloi ako sa imong mga alagianan.+
ה [Heʼ]
5 Palakta ako diha sa imong kamatuoran ug tudloi ako,+Kay ikaw mao ang akong Diyos sa kaluwasan.+
ו [Waw]
Kanimo ako naglaom sa tibuok nga adlaw.+
ז [Zaʹyin]
6 Hinumdomi ang imong mga kaluoy,+ Oh Jehova, ug ang imong mga mahigugmaong-kalulot,+Kay kini sila sukad pa sa panahong walay tino.+
ח [Chehth]
7 Oh ayaw hinumdomi ang mga sala sa akong pagkabatan-on ug ang akong mga kalapasan.+Sumala sa imong mahigugmaong-kalulot hinumdomi ako,+Tungod sa imong pagkamaayo, Oh Jehova.+
ט [Tehth]
8 Maayo ug matul-id si Jehova.+Mao nga tudloan niya sa dalan ang mga makasasala.+
י [Yohdh]
9 Iyang palakton ang mga maaghop diha sa iyang hudisyal nga mga hukom,+Ug tudloan niya ang mga maaghop sa iyang dalan.+
כ [Kaph]
10 Ang tanang alagianan ni Jehova maoy mahigugmaong-kalulot ug pagkamatinud-anonAlang sa mga nagatuman sa iyang pakigsaad+ ug sa iyang mga pahinumdom.+
ל [Laʹmedh]
11 Tungod sa imong ngalan, Oh Jehova,+Pasayloa ako sa akong kasaypanan, kay kini dako.+
מ [Mem]
12 Kinsa, karon, ang tawo nga nahadlok kang Jehova?+Siya magatudlo kaniya sa dalan nga iyang pagapilion.+
נ [Nun]
13 Ang iyang kalag magapuyo sa pagkamaayo,+Ug ang iyang kaliwat magapanag-iya sa yuta.+
ס [Saʹmekh]
14 Ang pagkasuod kang Jehova ila sa mga nahadlok kaniya,+Mao man usab ang iyang pakigsaad, aron sila mahibalo niini.+
ע [ʽAʹyin]
15 Ang akong mga mata gipunting kanunay kang Jehova,+Kay siya ang magpagawas sa akong mga tiil gikan sa pukot.+
פ [Peʼ]
16 Lingia ako, ug pakitai ako ug kaluoy;+Kay ako nag-inusara ug sinakit.+
צ [Tsa·dhehʹ]
17 Ang mga kasakit sa akong kasingkasing midaghan;+Oh pagawasa ako gikan sa akong mga kapit-os.+
ר [Rehsh]
18 Tan-awa ang akong kasakitan ug ang akong kalisdanan,+Ug pasayloa ang tanan kong mga sala.+
19 Tan-awa kon unsa ka daghan ang akong mga kaaway,+Ug sa mapintas nga pagdumot sila nagdumot kanako.+
ש [Shin]
20 Bantayi ang akong kalag ug luwasa ako.+Dili unta ako maulawan kay ako midangop kanimo.+
ת [Taw]
21 Himoa nga ang integridad ug pagkatul-id magapanalipod kanako,+Kay ako naglaom kanimo.+
22 Oh Diyos, tubsa ang Israel gikan sa tanan niyang kasakitan.+
