Salmo 112:1-10
112 Dayega ninyo si Jah!+א [ʼAʹleph]Malipayon ang tawo nga nahadlok kang Jehova,+ב [Behth]Nga sa iyang mga sugo+ siya nahimuot sa hilabihan.+
ג [Giʹmel]
2 Ang iyang kaliwat mahimong gamhanan sa yuta.+ד [Daʹleth]Kon bahin sa kaliwatan sa mga matul-id, kini panalanginan.+
ה [Heʼ]
3 Mga bililhong butang ug bahandi anaa sa iyang balay;+ו [Waw]Ug ang iyang pagkamatarong nagapadayon hangtod sa kahangtoran.+
ז [Zaʹyin]
4 Siya midan-ag sa kangitngitan ingon nga kahayag alang sa mga matul-id.+ח [Chehth]Siya mapuangoron ug maluluy-on ug matarong.+
ט [Tehth]
5 Ang tawo nga mapuangoron+ maoy maayo ug nagapahulam.+י [Yohdh]Ang iyang mga kalihokan ginapalig-on niya uban ang hustisya.+
כ [Kaph]
6 Kay bisan kanus-a siya dili gayod matarog.+ל [Laʹmedh]Ang matarong pagahandomon hangtod sa panahong walay tino.+
מ [Mem]
7 Siya dili mahadlok bisan sa daotang balita.+נ [Nun]Ang iyang kasingkasing malig-on,+ nga masaligon kang Jehova.+
ס [Saʹmekh]
8 Ang iyang kasingkasing dili matarog;+ dili siya mahadlok,+ע [ʽAʹyin]Hangtod nga motan-aw siya sa iyang mga kaaway.+
פ [Peʼ]
9 Siya kaylap nga nanagtag; siya nanghatag sa mga kabos.+צ [Tsa·dhehʹ]Ang iyang pagkamatarong nagapadayon hangtod sa kahangtoran.+ק [Qohph]Ang iyang sungay pagabayawon uban ang himaya.+
ר [Rehsh]
10 Ang daotan makakita ug tinong mabalaka.+ש [Shin]Magpakagot siya sa iyang mga ngipon ug tinong matunaw.+ת [Taw]Ang tinguha sa mga daotan mahanaw.+
