Salmo 14:1-7
Ngadto sa direktor. Iya ni David.
14 Ang walay salabotan nag-ingon diha sa iyang kasingkasing:“Walay Jehova.”+Sila nagagawi sa ikadaot,+ sila nagagawi nga dulumtanan sa ilang binuhatan.Walay usa nga nagabuhat ug maayo.+
2 Kon bahin kang Jehova, siya nagsud-ong gikan sa langit sa mga anak sa mga tawo,+Aron sa pagtan-aw kon aduna bay bisan kinsa nga may hait nga salabotan, nga nangita kang Jehova.+
3 Silang tanan mitipas,+ silang tanan pulos hiwi;+Walay usa nga nagabuhat ug maayo,+Walay bisan usa.+
4 Wala bay usa sa mga mamumuhat sa butang nga makadaot ang nakabaton ug kahibalo,+Nga nagalamoy sa akong katawhan ingon sa pagkaon nila sa tinapay?+Sila wala gani motawag kang Jehova.+
5 Ania karon, napuno sila sa dakong kalisang,+Kay si Jehova anaa sa taliwala sa kaliwatan sa matarong.+
6 Gipakaulawan ninyo ang laraw sa sinakit,Tungod kay si Jehova mao ang iyang dalangpanan.+
7 Oh nga gikan sa Zion mogula unta ang kaluwasan sa Israel!+Sa dihang tigomon pagbalik ni Jehova ang mga nabihag niyang katawhan,+Maglipay unta si Jacob, magmaya unta ang Israel.+
