Salmo 75:1-10
Ngadto sa direktor. “Ayaw laglaga.” Usa ka salmo. Iya ni Asap.+ Usa ka awit.
75 Magapasalamat kami kanimo, Oh Diyos; magapasalamat kami kanimo,+Ug haduol ang imong ngalan.+Ang mga tawo magapahayag gayod sa imong katingalahang mga buhat.+
2 “Kay nagtakda ako ug usa ka panahon;+Naghukom ako uban sa katul-id.+
3 Ang yuta ug ang tanang molupyo niini nangatunaw,+Ako mao ang nagtul-id sa mga haligi niini.”+ Seʹlah.
4 Miingon ako sa mga buangbuang: “Ayaw pagpakabuang,”+Ug sa mga daotan: “Ayaw bayawa ang sungay.+
5 Ayaw bayawa ang inyong sungay.Ayaw pagsulti uban ang tikig nga liog.+
6 Kay dili gikan sa sidlakan ni gikan sa kasadpan,Ni gikan sa habagatan ang pagbayaw sa itaas.
7 Kay ang Diyos mao ang maghuhukom.+Pagapaubson niya kining usa, ug pagabayawon niya kadtong usa.+
8 Kay adunay kopa sa kamot ni Jehova,+Ug ang bino nagabula, kini napuno sa sambog.Ug iya gayong ibubo ang mga linugdang gikan niini;Pagatition kini, pagaimnon kini sa tanang daotan sa yuta.”+
9 Apan alang kanako, isaysay ko kini hangtod sa panahong walay tino;Magaawit ako ug mga pagdayeg sa Diyos ni Jacob.+
10 “Ug pagaputlon ko ang tanang sungay sa mga daotan.”+Ang mga sungay sa matarong pagabayawon sa itaas.+
