Salmo 57:1-11
Ngadto sa direktor. “Ayaw laglaga.” Iya ni David. Miktam. Sa dihang mikalagiw siya tungod kang Saul, ngadto sa langob.+
57 Pakitai ako ug kaluoy, Oh Diyos, pakitai ako ug kaluoy,+Kay ang akong kalag midangop kanimo;+Ug sa landong sa imong mga pako midangop ako hangtod nga molabay ang mga kalisdanan.+
2 Magatawag ako sa Diyos nga Labing Hataas, sa matuod nga Diyos nga nagalaglag kanila tungod kanako.+
3 Magapasugo siya gikan sa langit ug luwason ako.+Pagalibogon gayod niya ang nagabanghag kanako.+ Seʹlah.Ipadala sa Diyos ang iyang mahigugmaong-kalulot ug ang iyang kamatinud-anon.+
4 Ang akong kalag anaa sa taliwala sa mga leyon;+Wala akoy laing mahimo gawas sa paghigda taliwala sa mga manunukob, bisan sa mga anak sa mga tawo,Kansang mga ngipon maoy mga bangkaw ug mga udyong,+Ug kansang dila maoy mahait nga espada.+
5 Mabayaw ka unta ibabaw sa mga langit, Oh Diyos;+Ang imong himaya magpaibabaw unta sa tibuok nga yuta.+
6 Usa ka pukot ang ilang giandam alang sa akong mga lakang;+Natikuko ang akong kalag.+Nagkalot sila ug usa ka gahong sa akong atubangan;Nangahulog sila sa kinataliwad-an niini.+ Seʹlah.
7 Malig-on ang akong kasingkasing, Oh Diyos,+Malig-on ang akong kasingkasing.Magaawit ako ug magaawit ug mga pagdayeg.+
8 Pagmata, Oh himaya ko;+Pagmata, Oh kinuldasang tulonggon; ikaw usab, Oh alpa.+Pukawon ko ang kaadlawon.
9 Pagadayegon ko ikaw taliwala sa mga katawhan, Oh Jehova;+Magaawit ako ug mga pagdayeg kanimo taliwala sa nasodnong mga pundok.+
10 Kay ang imong mahigugmaong-kalulot dako sangko sa mga langit,+Ug ang imong kamatinud-anon abot sa kalangitan.+
11 Mabayaw ka unta ibabaw sa mga langit, Oh Diyos;+Ang imong himaya magpaibabaw unta sa tibuok nga yuta.
