Salmo 48:1-14
Usa ka awit. Usa ka salmo sa mga anak ni Kore.+
48 Dako ug dalayegon kaayo si Jehova+Diha sa siyudad sa atong Diyos,+ diha sa iyang balaang bukid.+
2 Matahom tungod sa gitas-on, ang kasadya sa tibuok nga yuta,+Mao ang Bukid sa Zion diha sa halayong mga bahin sa amihanan,+Ang lungsod sa Dakong Hari.+
3 Sa iyang puloy-anang mga torre ang Diyos nailhan ingon nga luwas nga hataas nga dapit.+
4 Kay, tan-awa! ang mga hari nagtagbo sumala sa gikasabotan,+Sila miagi sa tingob.+
5 Sila nakakita; ug busa sila nahibulong.Sila natugaw, sila nanalagan sa kalisang.+
6 Ang pagpangurog mihakgom kanila didto,+Ang mga kaul-ol nga sama nianang sa usa ka babaye nga manganak.+
7 Pinaagi sa usa ka hangin nga timog giguba mo ang mga barko sa Tarsis.+
8 Ingon sa among nadungog, mao usab ang among nakita+Sa siyudad ni Jehova sa mga panon, sa siyudad sa atong Diyos.+Ang Diyos lig-on nga magatukod niini hangtod sa panahong walay tino.+ Seʹlah.
9 Gipalandong namo, Oh Diyos, ang imong mahigugmaong-kalulot+Sa taliwala sa imong templo.+
10 Ingon sa imong ngalan,+ Oh Diyos, mao usab ang imong pagdayegNgadto sa mga utlanan sa yuta.Ang imong tuong kamot napuno sa pagkamatarong.+
11 Magmaya unta ang Bukid sa Zion,+Magmalipayon unta ang mga lungsod nga sakop sa Juda,+ tungod sa imong hudisyal nga mga hukom.+
12 Panglakaw kamo libot sa Zion, ug libota ninyo kini,+Ipha ang mga torre niini.+
13 Ipunting ang inyong mga kasingkasing sa kuta niini.+Susiha ang mga puloy-anang torre niini,Aron ikasugilon ninyo kini ngadto sa umaabot nga kaliwatan.+
14 Kay kini nga Diyos mao ang atong Diyos hangtod sa panahong walay tino, bisan hangtod sa kahangtoran.+Siya magagiya kanato hangtod sa atong pagkamatay.+
