Icipande Ca Baice

Icisungusho Icacitike pa Bushiku bwa Pentekoste!

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti e ko uli ilyo ifintu filecitika, uleumfwa amashiwi ya bantu, no kumfwa filya fine abo amalembo yalelandapo baaleumfwa.

TONTONKANYA PA FYACITIKE.—BELENGA IMILIMO 2:1-21, 38-41.

Cinshi wacilatontonkanya ilyo wacilabelenga ili lyashi lilanda pa “cipuupu icikali ica mwela” ne “ndimi ishapala umulilo?”

․․․․․

Bushe uletontonkanya ukuti finshi abantu balelanda ilyo balepapa pa kumfwa abasambi balelandila mu fitundu ifyo bashaishibe kale?

․․․․․

Bushe ule-elenganya ukuti ifinso fya balepumya abasambi fyalemoneka shani nge fyo balandile mu cikomo 13?

․․․․․

TONTONKANYAPO SANA.

Bushe cinshi calecitika pa bushiku bwa Pentekoste, kabili uku kusefya kwalelenga abantu abengi mu Yerusalemu ukuba shani pa numa ya kusangwako? (Amalango 16:10-12)

․․․․․

Bushe Petro alangile shani umucinshi ilyo alelanda ku bantu balongene, kabili acitile shani pa kuti alande ilyashi ilyo abalongene batemenwe? (Imilimo 2:29)

․․․․․

Bushe ifyo Petro ashipile pa bushiku bwa Pentekoste fyapusana shani ne fyo acitile mu lubansa lwa kwa shimapepo mukalamba? (Mateo 26:69-75)

․․․․․

FINSHI WASAMBILILA MULI ILI LYASHI? LEMBA IFYO WASAMBILILAKO PA . . .

Fyo cacindama ukulanda pa fyo abo tuleshimikilako bengatemwa ukumfwa ne fyo cacindama ukulanda no mucinshi pa fyo twasumina muli Baibolo.

․․․․․

Fyo wingaba Inte ya kwa Yehova iyashipa, nangu cingati pali ino nshita nalimo ulomfwako umwenso. ․․․․․

FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․

Nga ulefwaya ukwishibilapo na fimbi pali ili lyashi, belenga Ulupungu lwa kwa Kalinda ulwa September 15, 1996, amabula 8-9.