Amabungano ya pa Kati ka Nko aya mu 2003
Amabungano ya pa Kati ka Nko aya mu 2003
PA Cibelushi, pa October 6, 2001, kwali ukukumana kwa pa mwaka ukwa baba mu kabungwe ka Watch Tower Bible and Tract Society of Pennsylvania ukwabelele mu Jersey City, mu New Jersey, ku United States of America. Pa numa ya kulya kukumana, kwali programu waibela uo aba muli kalya kabungwe pamo na batandashi babo baipakishe. Ubushiku bwakonkelepo, pa kukumana na kumbi ukwali mu misumba ine, mu Canada na mu United States of America, aba mwi Bumba Litungulula ilya Nte sha kwa Yehova babilishe ukubilisha kwakonkapo pa numa ya lyashi lya kusondwelela:
“Ilyo tulelolesha ku fya ku ntanshi, nacicindama sana ukuti abantu ba kwa Lesa bonse beleka ukulongana capamo. Umutumwa Paulo akonkomeshe ati, ukulongana no kukoseleshanya, filebako pali bufi ilyo tulemona ubushiku bwa kwa Yehova ubukalamba kabili ubwa kutiinya bulepalama. (AbaHebere 10:24, 25) Ukumfwana no ku kukambisha, tulesuubila ukukwata amabungano ya citungu mu ncende shonse ishe sonde uyu mwaka uleisa [2002]. Lyene mu 2003, Yehova nga asuminisha, kuti twakwata ukulongana kwaibela ukwa pa kati ka nko mu ncende shimo. Nomba ni nshita ya kulola, ukwiluka ifyo ifintu mwi sonde lyonse fileenda.”
Te mulandu no kutwishika na mafya ifilefulilako ilyo buno bwikashi buleya ku kupwa, imilimo ya bantu ba kwa Lesa ifwile ukutwalilila. Imbila nsuma iya Bufumu, pamo no bukombe bwa kusoka ubwa mu Baibolo, bufwile ukubilishiwa ku ba nko shonse, imikowa, indimi, na bantu, ukubeba ati, “tiineni Lesa, no kumupeelo mucinshi, pa kuti naiise nshita ya bupingushi bwakwe.” (Ukusokolola 14:6, 7) E co, umwabela ukufwaya no kubekwa kwa kwa Shifwe wa mu muulu, amabungano ya pa kati ka nko yaleteyanishiwa mu fifulo fyalekanalekana pano calo mu mwaka wa 2003.
Pa kabala ntanshi, ukutantika kwa aya mabungano uko kwingateululwa ku ntanshi kwa kuti yakaba mu misumba imo imo mu North Amerika kabili bwangu bwangu pa numa mu Bulaya. Inshita inono pa numa, mu 2003, kukaba amapekanyo ya kuti amabumba ya beminishi bakaye ku misumba imo imo mu Asia; kabili ku kupwa kwa ulya mwaka, amabumba na yambi yakesa ku Afrika, yambi yakaya ku South Amerika, na mu ncende ya Pacific. Bakepusha amaofeshi ya Nte sha kwa Yehova yamo ukutuma impendwa inono iya beminishi ku mabungano, e co te bonse bakalaalikwa ukuti bakasangweko. Na lyo line, cikabe ca kukoselesha ukukwata abatandashi banono ukufuma ku fyalo fimbi pa cifulo cimo na cimo.
Ifilonganino fya Nte sha kwa Yehova fikalapokelela ifyebo pa lwa aya mabungano nomba line. Abakalaalikwa bakebwa ku maofeshi yabela uko bekala pa lwa nshiku sha kulongana ne misumba kukabela. E co, tulemulomba ukukanalemba nelyo ukwipusha pali uyu mulandu pali ino nshita.
Kuli pele pele, abakasalwa ukuyasangwako bakaba ni Nte abaipeela kabili ababatishiwa abakaba fya kumwenako fisuma kabili abakalanga ukutemwa kuli bamunyina ba uko bakaya. Bamunyinabo na bo bakakwata ishuko lya kusengela abatandashi mu kutemwa no kubacitile cileela cine cine. (AbaHebere 13:1, 2) Ici cikalenga bene ‘ukusansamushanya.’ (Abena Roma 1:11, 12) Mukapokelela ifyebo na fimbi ifikumine aya mapekanyo ukufuma ku maofeshi ya Nte sha kwa Yehova ayebelwe ukutuma amakombe ku calo cimo nelyo ukucilapo.
Amabungano ya citungu aya nshiku shitatu aya mu mwaka wa 2003 yakapekanishiwa mu fyalo ifingi nga fintu ciba lyonse. Pa kulongana pamo, bonse tukakwata ishuko lya ‘kuumfwa, ukusambilila no kukoseleshiwa.’ (Amalango 31:12; 1 Abena Korinti 14:31) Ici cikapeela abantu ba kwa Lesa bonse ishuko lya ‘Kusonda no kumona ukuti aliwama Yehova.’ (Amalumbo 34:8) Pa mabungano yonse aya pa kati ka nko, pamo na mabungano ya fitungu ayengi, pakaba bamishonari, bamo bamo bakakwatamo imbali muli uyu programu.
Muli uno mwaka, tuleipakisha Amabungano ya Cintungu aya “Bakabila ba Bufumu Abapimpa,” ayaletucincisha ukushimikisha. Ilyo tulecite ci, ukwenekela kwesu ukwa fyo Yehova atukwatile umwaka uleisa kukakula. Ici cikatwafwa ‘ukulola no kuiteyanya’ pa mulandu wa shino nshita shayafya kabili isha lulumbi.—Mateo 24:42-44.