Yobo 35:1-16
35 Elihu atwalilile ukulanda ati:
2 “Bushe cine cine walishininkisha ukuti ifyo ulanda e fyalungama ica kutila kuti watila,‘Ndi mulungami ukucila Lesa’?+
3 Pantu utila, ‘Bushe alabikako amano* nangu ndecita icisuma?
Bushe mwalifuma ifisuma ifi nshabembuka?’+
4 NalakwasukaPamo na banobe+ abo uli nabo.
5 Lolesha mu muulu,Mona amakumbi+ ayaba apatali ukukucila.
6 Nga wabembuka, bushe kuti wamukalifya?+
Nga wacilamo ukucita ifyabipa, bushe kuti aumfwa ububi?+
7 Nga uli mulungami, cinshi umupeela?Cinshi apokelela kuli iwe?+
8 Ifyabipa ifyo ucita fikuma fye umuntu nga iwe,Kabili ubulungami bobe bukuma fye umwana wa muntu.
9 Abantu balapunda mutuule nga balebacusha nga nshi;Balafwaya ukulubuka ku ba maka+ ababatitikisha.*
10 Lelo takwaba nangu umo uulanda ati, ‘Ali kwi Lesa Mukulu Uwamumbile,+Uulenga tuleimba inyimbo mu nshita ya bushiku?’+
11 Alatusambilisha+ ukucila ifyo asambilisha inama sha pano isonde,+Kabili alenga twaba na mano ukucila ifyuni fya mu lwelele.
12 Abantu balalilila kuli ena pa kuti abafwe, lelo tabaasuka,+Pa mulandu wa kuti ababifi baliba ne cilumba.+
13 Cine cine Lesa tomfwa ukulila kwa fye,*+Uwa Maka Yonse tabikako amano.
14 Pali bufi nga uleilishanya ukuti taumumona!+
Umulandu obe uli ku cinso cakwe, kanshi ufwile ukumulolela fye pa kuti akakupingule.+
15 Pantu takulubulwishe ninshi nakalipa,Kabili alisuulako ku fyabipa ifyo walandile.+
16 Yobo asamuna akanwa apa fye;Alanda amashiwi ayengi ukwabula ukwishiba ifishinka fyonse.”+
