Yobo 17:1-16
17 “Umupu wandi naucepa, inshiku shandi nashipwa;Inshiishi ilendolela.+
2 Abampumya nabanshinguluka,+Amenso yandi yafwile ukulolesha* pali bucipondoka bwabo.
3 Pokeni iciikatilo candi kabili munsungileko.
Nani umbi uwingaposhanya na ine mu minwe kabili uwinganandilako?+
4 Pantu mwalilenga belailuka;+E co mushibacindamikila.
5 Aba bantu kuti balanda ukuti bala-akana ifipe fyabo na banabo,E lyo ninshi pa menso ya bana babo napafiita ku mulandu ne nsala.
6 Lesa alenga abantu+ balampumya,*Ica kuti balamfwishila amate+ pa menso.
7 Nshilemwenekesha+ pa mulandu wa kucula,Amaboko yandi na molu yandi yali nge cinshingwa.
8 Abalungama balapapa pa filencitikila,Kabili uwa kaele alomfwa ububi pa fyo ababifi* bacita.
9 Uwalungama atwalilila ukucita ifisuma,+Kabili uwasanguluka iminwe akalakoselako fye.+
10 Lelo imwe bonse twalilileni ukunjeba amashiwi yabipa,Pantu pali imwe+ nshimwenepo uwa mano.
11 Inshiku shandi nashipwa;+Amapange yandi, ifyo umutima wandi ufwaya na fyo nafipwa.+
12 Batwalilila ukwalula ubushiku bwaba akasuba,Batila, ‘Ulubuuto lufwile ukuba mupepi pantu kuli imfifi.’
13 Nga nalolela, Inshiishi* ili no kuba ing’anda yandi;+Nkanshika ubusanshi bwandi mu mfifi.+
14 Nkeba inindi*+ nati, ‘Niwe tata!’
E lyo imititi nkayeba nati, ‘Niwe mayo kabili nkashi yandi!’
15 Bushe ninkwata isubilo+ lya kuti ifintu fikawama ku ntanshi?
Bushe kuli uulemona ukuti ninkwata isubilo?
16 Isubilo likaya ku mpongolo ya Nshiishi*Ilyo bonse tukatentemukila ku lukungu.”+
Amafutunoti
^ Nelyo “yafwile ukwikala.”
^ Mu ciHebere, “balanandapo mu mapinda; mu manshoko.”
^ Nelyo “abasangu.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “Inshiishi.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
