Yobo 10:1-22
10 “Nimpata sana umweo wandi.+
Ndeilishanya pa mulandu ne filencitikila.
Ndelanda pa mulandu na macushi yandi!*
2 Nalaeba Lesa nati: ‘Mwimpeela umulandu.
Njebeni ico mulendwishisha.
3 Bushe mulamonamo ubusuma mu kuncusha,Mu kusuula umulimo wa minwe yenu,+E lyo ninshi mulapaala amapange ya babifi?
4 Bushe mwakwata amenso ayo umuntunse akwata,Nelyo bushe ifyo umuntunse umwina kufwa amona e fyo na imwe mumona?
5 Bushe inshiku shenu shaba nge nshiku sha bantunse abena kufwa,Nelyo bushe imyaka yenu yaba nge myaka ya muntunse,+
6 Pa kuti mulefwailisha icilubo nacitaKabili mutwalilile ukufwaya ulubembu lwandi?+
7 Mwalishiba ukuti nshaba na mulandu;+Kabili takuli nangu umo uwingampokolola mu minwe yenu.+
8 Nimwe mwamumbile ne minwe yenu,+Lelo mulefwaya ukundofya.
9 Ibukisheni ukuti mwamumbile ne loba,+Lelo mulembwesesha ku lukungu.+
10 Bushe tamwanjitulwile ngo mukaka mwi fumo lya kwa mayoNo kumpanga?*
11 Mwamfwikile inkanda no munofu,Kabili mwampikwile na mafupa ne mishipa.+
12 Mwalimpeele ubumi kabili mulananga ukutemwa ukushipwa;Mulacingilila umupashi* wandi kabili mulausakamana.+
13 Lelo mu bumfisolo mwalefwaya ukucita ifi fintu.*
Ninjishiba ukuti ifi fintu fifumine kuli imwe.
14 Nga ca kuti nalibembwike nga mwalendolesha fye,+Kabili nga tamwalekele naba uwa kaele.
15 Nga naliba no mulandu ninshi cambipila!
Kabili nangu ningaba uwa kaele te kuti njinune umutwe,+Pantu naliseebana kabili ndacula.+
16 Nga nainuna umutwe wandi mulanunga kwati ni nkalamo+Na kabili mulabomfya amaka yenu pa kunsansa.
17 Mulaleta bakambone na bambi aba kunshininaKabili mumfulilwako fye,Amacushi yandi nayo yafulilako fye.
18 Cinshi mwamfumiishe mwi fumo?+
Nga e mo nafwilile, kabili nga takwali nangu umo uwamwene.
19 Nga cali fye kwati nshaliko;Nga nafumine fye mwi fumo naya na ku nshiishi.’
20 Bushe inshiku shandi tashacepa?+ Lekeni Lesa anshe neka;Lekeni aleke ukundolesha, pa kuti ntusheko* panono+
21 Ilyo nshilaya uko nshakabwele+—Ku calo ukwafiita nga nshi,*+
22 Ku calo ukwafiita fititi,Kabili ukwaba icimfulumfulu,Uko ulubuuto lwaba kwati ni mfifi.”
