Yobo 24:1-25
24 “Cinshi Uwa Maka Yonse ashabikila inshita?+
Cinshi abamwishiba bashimwena ubushiku bwakwe?*
2 Abantu balasesha imipaka;+Baleba imikuni e lyo baitwala ku mpanga yabo iya mulemfwe.
3 Balasenda impunda ya bana abashakwata bawishiKabili mukamfwilwa nga akongola,+ balekatilamo ing’ombe yakwe iilume.
4 Balakaanya abapiina ukwenda mu musebo;Abapiina balabelama pa mulandu wa kuti balabatiina.+
5 Abapiina balafwayafwaya ifya kulya mu matololo kwati ni mpunda sha mu mpanga;+Balafwaya ifya kulya mu ciswebebe ifya kuti abana babo balye.
6 Bafwile ukubomba mwi bala lya muntu* pa kuti basange ifya kulyaKabili batolelesha mwi bala lya myangashi ilya mubifi.
7 Ubushiku basendama ukwabula ica kufimbana;+Tabakwata ica kuifimba nga kuli impepo.
8 Imfula ya mu mpili ilabaloka;Booba mu fimabwe pantu tabakwata ing’anda.
9 Umwana wa kwa mukamfwilwa balamufumya kwi bele;+Kabili umupiina nga akongola+ balekatilamo ifya kufwala fyakwe.
10 Ici cilenga bale-enda ukwabula ukufwala,Kabili balaba ne nsala ilyo basendele ifyo basombwele.
11 Balacula nga bali mu mabwe bakuulilila mu mabala ya myangashi ninshi akasuba na kabalika;*Balanyantaula umwa kukamina imyangashi, lelo balaba ne cilaka.+
12 Abali mupepi no kufwa balateta mu musumba;Abacenekwa sana* nabo balapunda mutuule,+Lelo Lesa tabikako amano.
13 Kwaliba abapondokela ulubuuto;+Tabafwaya ukwishiba inshila sha luko,Kabili tabakonka inshila sha luko.
14 Uwipaya abantu aima ku macaca;Aipaya uushakwata aba kumwafwa no mupiina;+Kabili mu nshita ya bushiku alaya mu kwiba.
15 Umucende alolela kwafiita,+Alanda ati, ‘Takuli uwalamona!’+
Kabili alafimba ku menso.
16 Mu nshita ya bushiku bakabolala balengilila abantu* mu mayanda;E lyo akasuba balaisalila mu mayanda yabo.
Tabaishiba ulubuuto.+
17 Kuli bena ulucelo cimo cine ne mfifi iyafiita fititi;Tabatiina ifyo abantu batiina mu nshita ya bushiku.
18 Lelo amenshi yalabasenda bwangu bwangu.*
Impanga yabo ikatiipwa.+
Tabakabwelele ku mabala yabo aya myangashi.
19 Nga filya fine icilala ne cikabilila filenga amenshi makaasa ayasungulwike yakama,E fyo na babembu bafwa.*+
20 Nyina akamulaba,* imititi ikamulya,
Abantu tabakamwibukishe.+
Kabili ububifi bakabutema nge cimuti.
21 Asansa umwanakashi uushikwata abana,Kabili alacusha mukamfwilwa.
22 Lesa akabomfya amaka yakwe pa kulofya aba maka;Nangu bengema, tabaishiba nga bakatwalilila ukuba no mweo nelyo iyo.
23 Lesa alaleka baicetekela kabili balamona ukuti nabacingililwa,+Lelo alamona fyonse ifyo bacita.*+
24 Balabacindamika pa nshita iinono, lyena balaleka ukubako.+
Baba nge mitwe ya ngano iyo baputwile+ e lyo bailonganika;Balababwesesha panshi kabili bafwa nge fyo abantu bonse bafwa.
25 Nomba nani enganshinina ukuti ndi wa bufiNelyo uwingakaana ifyo nalanda?”
Amafutunoti
^ E kutila, ubushiku bwakwe ubwa bupingushi.
^ Nelyo kuti yapilibula no kuti, “basombola ifya kulya fya nama mwi bala.”
^ Nelyo kuti yapilibula no kuti, “balekamina amafuta mu mabwe ayo bakulilile.”
^ Nelyo “imyeo ya bacenekwa sana.”
^ Mu ciHebere, “balatula amayanda.”
^ Mu ciHebere, “alabutukisha pa muulu wa menshi.”
^ Nelyo “E fyo baya ku Nshiishi,” nelyo ku “Sheol.” Moneni Amashiwi ya mu Baibo ne fyo Yapilibula.
^ Mu ciHebere, “Ifumo likamulaba.”
^ Mu ciHebere, “amenso yakwe yaba mu nshila shabo.”
