Yobo 12:1-25
12 Lyena Yobo ayaswike ati:
2 “Cine cine mwalishiba ifingi,*Kabili amano yakafwila pamo na imwe!
3 Lelo na ine wine nalishiba ifingi.*
Tamwancila.
Nani uushaishiba ifyo mulandile?
4 Abanandi+ balanseka,Ndilila kuli Lesa pa kuti anjasuke.+
Uo baseka muntu umulungami, kabili wa kaele.
5 Uo ifintu fyendela bwino amona ukuti ifyabipa tafyakatale afimucitikilapo,Atontonkanya ukuti abo ifyabipa ficitikila bantu bakwata amafya kale.*
6 Mu matenti ya bapokolola ifipe mwaliba umutende,+Kabili abakalifya Lesa balicingililwa,+Bonse abakwata tulesa mu minwe yabo.
7 Nomba wipushe inama, na sho shalakusambilisha;Kabili wipushe ne fyuni fya mu lwelele, na fyo filekweba.
8 Nelyo lolekesha* ifyaba pano isonde, na fyo filekusambilisha;Ne sabi lya muli bemba na lyo lilekulondolwela.
9 Ni cinshi pali ifi fyonse icishaishiba ukutiYehova e wapangile ifi fyonse?
10 Mu minwe yakwe e mwaba umweo wa cintu conse icipeema*Kabili e mwaba umupashi* wa bantunse bonse.*+
11 Bushe ukutwi takwishiba ukuti aya mashiwi yasuma no kuti aya yabiNga filya fine ululimi lusonda ifya kulya?+
12 Bushe abakalamba+ te baba na mano,Kabili bushe abaikala inshiku ishingi tabeluka ifintu?
13 Lesa e wakwatisha amano na maka;+E wiluka+ ifintu kabili akacita ifyo afwaya.
14 Nga abongolola cimo, takuli uwingacikuula cipya cipya;+Kabili takuli uwingesula ico aisala.
15 Nga acilika amenshi ifintu fyonse filoma;+Nga ayacilukulula pe sonde+ palaba ilyeshi.
16 Wa maka kabili alikwata amano yene yene;+Uulebembuka no ulelenga abantu babembuka, baba mu minwe yakwe;
17 Alenga abapanda abantu amano baenda ukwabula indyato,*Kabili alenga bakapingula baba ababula amano.+
18 Alakakula abantu amaceni ayo imfumu shibakaka+Kabili alabakaka umushipi mu misana yabo.
19 Alenga bashimapepo baenda ukwabula indyato,+Kabili alafumya abakwata amaka pa fifulo fyabo;+
20 Alalenga impanda mano isho bacetekela shaikala tondoloKabili alapoka abakalamba amano;
21 Alaseebanya intungulushi,+Kabili alenga aba maka banaka;*
22 Asokolola ifyashika ifyo bafisa mu mfifi,+Kabili aleta imfifi yafiitisha mu lubuuto;
23 Alenga inko shaba ishikalamba, pa kuti ashonaule;Kabili akusha aba mu nko pa kuti abasende mu kuyaba bankole.
24 Apokolola intungulushi amano*Kabili alenga shalaendauka mu matololo umushaba inshila,+
25 Shipampanta mu mfifi+ umushaba ulubuuto;Kabili alenga shalaenda nga bakolelwe.+
Amafutunoti
^ Mu ciHebere, “Cine cine muli bantu.”
^ Mu ciHebere, “nalikwata umutima.”
^ Mu ciHebere, “abo amakasa yabo yatalantanta.”
^ Nelyo kuti yapilibula no kuti, “landa.”
^ Nelyo “umweo wa cintu conse icaba no bumi.”
^ Nelyo “umupu.”
^ Mu ciHebere, “wa munofu onse uwa muntu.”
^ Nelyo “alabapoka fyonse.”
^ Mu ciHebere, “alakakula umushipi wa ba maka.”
^ Mu ciHebere, “umutima.”
