Esaya 48:1-22
48 Umfweni ifyo nalalanda mwe ba mu ng’anda ya kwa Yakobo,Mwe bayita ishina lya kuti Israele+Kabili mwe bafuma mu menshi ya kwa Yuda,*Mwe balapila mwi shina lya kwa Yehova+Kabili mwe bapepa kuli Lesa wa kwa Israele,Nangu ca kuti tamuli ba cishinka, kabili tamucita ifyalungama.+
2 Pantu mulaitunga ukuti muli ba mu musumba+ wa mushiloKabili mulalomba Lesa wa kwa Israele+ ukuti alemwafwa,Uo ishina lyakwe ni Yehova wa mabumba.
3 “Kale nalimwebele limo ifyali no kucitika.*
Fyafumine mu kanwa kandi,Kabili nalengele mwafishiba.+
Mu kupumikisha nalicitilepo cimo, kabili fyalicitike.+
4 Apo nalishiba ukuti niwe cintomfwa,Umushipa obe uwa mu mukoshi waba nge cela, ne mpumi yobe yaba ngo mukuba.+
5 Nalikwebele kale sana.
Ilyo ifi fishilacitika, nalilengele ufishibe,Pa kuti wikalanda auti, ‘akalubi kandi e kacitile ifi;Icilubi candi ne cimpashanya ica cela,* e filengele ukuti ifi ficitike.’
6 Mwalyumfwa kabili mwalimona fyonse ifi.
Bushe tamwakebeko abantu bambi?+
Nomba nalamweba+ ifintu ifipya,Ifya nkama ifyo mushaishiba.
7 Ni pali ino nshita nalalenga ukuti ficitike, tafyacitika kale iyo,Ifintu ifyo mushabala amumfwapo ukufika na lelo,Pa kuti mwikalanda amuti, ‘Moneni! Twalifishiba kale.’
8 Tawaumfwa,+ tawaishiba,Kabili kale amatwi yobe yalisalike.
Pantu nalishiba ukuti uli wa bucenjeshi+ sana,Kabili ukutula ilyo wafyelwe+ bakwita ukuti umubembu.
9 Lelo pa mulandu we shina lyandi nshakaleke ubukali+ bwandi bukese pali iwe;Pa kuti nkacindamikwe, nkakutekanishisha.Nshakakulofye.+
10 Mona! Nalikulopolola, lelo te filya balopolola silfere.+
Nalikwesha* mwi lungu lya bucushi.+
11 Pa mulandu wandi, pa mulandu wandi nkacitapo cimo,+Pantu kuti naleka shani bansaalula?+
Nshipeela umbi ubukata bwandi.*
12 Umfwa ifyo ndekweba we Yakobo, na iwe we Israele we o naita.
Naba fye cimo cine.+ Nine uwa ntanshi; kabili nine uwa kulekelesha.+
13 Ukuboko kwandi e kwapangile umufula we sonde,+Kabili ukuboko kwandi ukwa ku kulyo e kwafungulwile imyulu.+
Nga nafiita, filemina pamo.
14 Longaneni pamo imwe bonse, kabili umfweni ifyo nalalanda.
Nani pali bena uwabilisha ifi fintu?
Yehova alimutemwa.+
Ifyo afwaya e fyo akacita Babiloni,+Kabili akabomfya ukuboko kwakwe ukwa maka pa kulwisha abena Kaldi.+
15 Ine ninanda kabili nimwita.+
Nimuleta kabili nkalenga ifintu fikamwendele bwino.+
16 Palameni kuli ine, umfweni ifyo nalalanda.
Ukutula pa kutendeka nshalandilapo mu bumfisolo.+
Ilyo fyatendeke ukucitika e po nali.”
Nomba Shikulu Mulopwe Yehova nantuma, no mupashi wakwe.*
17 Yehova Kalubula obe, Uwa Mushilo uwa kwa Israele,+ alanda ati:
“Ine ne Yehova nine Lesa obe,Uukusambilisha ifingakuwamina,+Uukutungulula mu nshila iyo ufwile ukwendamo.+
18 Nga wabika fye amano ku mafunde+ yandi!
Umutende obe kuti waba ngo mumana+No bulungami bobe kuti bwaba nga mabimbi ya pali bemba.+
19 Abana* bobe nabakatuntuka muli iweBakafula ngo mucanga.+
Ishina lyabo talyakalobe kabili talyakonaulwe pa ntanshi yandi.”
20 Fumeni muli Babiloni!+
Fulumukeni abena Kaldi.
Bilisheni ifi ninshi mulesekelela! Bilisheni!+
Lekeni cishibikwe na ku mpela sha pano isonde.+
Bilisheni amuti: “Yehova nalubula umubomfi wakwe Yakobo.+
21 Tabaumfwile icilaka ilyo alebatungulula mu fiswebebe.+
Alengele amenshi yafuma mu cilibwe pa kuti banwe;Alepwile icilibwe pa kuti amenshi yafume muli cena.”+
22 “Ababifi+ tabali no mutende,” e fyo Yehova alanda.
Amafutunoti
^ Nelyo kuti yapilibula no kuti, “mwe batuntuka muli Yuda.”
^ Mu ciHebere, “ifya ntanshi.”
^ Nelyo “icimpashanya ca kwenga.”
^ Nelyo “Nalikuceeceeta.” Nelyo kuti lyapilibula no kuti, “nalikusala.”
^ Nelyo “Nshakanyako umbi ubukata bwandi.”
^ Nelyo “pamo no mupashi wakwe.”
^ Mu ciHebere, “ulubuto.”
