Esaya 45:1-25
45 Yehova aeba Sailasi+ uo asuba,Uo aikata+ ku kuboko kwakwe ukwa ku kulyoPa kuti amucimfisheko+ inko,Pa kuti apoke imfumu amaka,*Pa kuti amwiswileko ifiibi fibili,Ica kuti tabakesale impongolo, ati:
2 “Nkakutangilila,+Kabili nkapasa utupili.
Nkonaula ifiibi fya mukuba,Nkaputaula+ imipindo ya cela.
3 Nkakupeela ifyuma ifyaba mu mfifiNe fyuma ifyo bafisa ifyaba mu ncende+ ishaba ukwafisama,Pa kuti ukeshibe ukuti nine Yehova,Lesa wa kwa Israele uulekwita mwi shina+ lyobe.
4 Pa mulandu wa mubomfi wandi Yakobo, na pa mulandu wa kwa Israele uo nasala,Ndekwita mwi shina lyobe.
Kabili ndekupeela ishina ilya mucinshi, nangu ca kuti tawanjishibe.
5 Nine Yehova, takwaba umbi.
Takwaba Lesa umbi kano fye ine.+
Nkakukosha, nangu ca kuti tawanjishibe,
6 Pa kuti abantu beshibeUkufuma uko akasuba katulila ukufika uko kawila*Ukuti takwaba umbi, kano fye ine.+
Nine Yehova takwaba umbi.+
7 Ndapanga ulubuuto+ ne mfifi,+Ndalenga kwaba umutende+ no bucushi;+Ine ne Yehova, ndacita fyonse ifi.
8 Mwe myulu losheni mfula;+Lekeni amakumbi yapongolole ubulungami.
Isonde naliisuke, limeshe ipusukilo,Kabili pa nshita+ imo ine limeshe ubulungami.
Ine ne Yehova nine nalenga ukuti ifi ficitike.”
9 We bulanda ku ulwishanya* no wa mupangile,Pantu aba fye nge ci-ingaIcili pa fi-inga ifili panshi!
Bushe iloba kuti lyaipusha nakabumba* aliti: “Cinshi ulebumba?”+
Nelyo bushe umulimo obe kuti walanda ati: “Tawakwata amaboko”?*
10 We bulanda kuweba wishi ati: “Cinshi wafyala?”
Kabili uweba umwanakashi ati: “Cinshi ulefyala?”
11 Yehova, Uwa Mushilo uwa kwa Israele+ kabili Uwamubumbile alanda ati:
“Bushe ulentwishika pa fintu ifileisaKabili bushe ulenjeba ifya kucita pa bana+ bandi na pa milimo ya minwe yandi?
12 Nine napangile isonde+ kabili nine nabumbile umuntu uwikalamo.+
Nine nafungulwile imyulu ku minwe+ yandi,Kabili fyonse ifyabamo+ ndafyeba ifya kucita.”
13 “Apo nalilungama+ nalilenga umuntu acitapo cimo,Nkololola inshila shakwe.
E ukakuula umusumba+ wandiKabili akalubula+ abantu bandi abo basenda mu kuba bankole, ukwabula ukumulipila nelyo ukumupeela amafisakanwa,”+ e fyo Yehova wa mabumba alanda.
14 Yehova alanda ati:
“Icuma* ca ku Egupti, ifintu fya kushitisha* ifya ku Etiopia na bena Seba abatali,Bakesa kuli iwe kabili bakaba abantu bobe.
Bakalaenda ku numa yobe ninshi nababakaka amaceni.
Bakesa kuli iwe kabili bakakukontamina.+
Bakapepa kuli iwe abati, ‘Cine cine Lesa aba na iwe,+Kabili takwaba umbi; takwaba Lesa umbi.’”
15 Cine cine nimwe Lesa uuifisa,Mwe Lesa wa kwa Israele, mwe bapususha.+
16 Bonse bakekatwa insoni no kuseebana;Abapanga ifilubi bakafumapo ninshi nabaseebana.+
17 Lelo Yehova akapususha+ Israele umuyayaya.
Takalenge ukomfwe insoni kabili takakuseebanye umuyayaya.+
18 Pantu Yehova, Kabumba wa myulu,+ Lesa wa cine,Uwapangile isonde kabili uwalikoseshe,+Uushalipangile apa fye,* lelo uwalipangile ukuti abantu baleikalamo,+ alanda ati:“Nine Yehova, takwaba umbi.
19 Nshalandiile mu cifulo+ icafisama ica mu calo ca mfifi;Nshaebele abana* ba kwa Yakobo ati,‘Mfwayeni, lelo muleicusha fye.’
Nine Yehova uulanda ifyalungama kabili ifya cine.+
20 Longaneni pamo kabili iseni.
Iseni bonse pamo, mwe balubulwa mu nko.+
Abasenda ifilubi fyabo, tabaishiba nangu cimoKabili bapepa kuli Lesa uushingabapususha.+
21 Landeni umulandu wenu, londololeni ubushininkisho.
Nabapandane amano pamo.
Nani uwasobele ifi kale sana?Nani uwalandile ifi kale sana?
Bushe te ine, ne Yehova?
Takwaba Lesa umbi kano fye ine;Takwaba Lesa uwalungama kabili uupususha,+ kano fye ine.+
22 Iseni kuli ine pa kuti mupusuke,+ mwe mpela shonse ishe sonde,Pantu nine Lesa, takwaba umbi.+
23 Nali-ilapa ne mwine;Amashiwi ayafuma mu kanwa kandi ya cine,Kabili tayakabwele:+
Ikufi lyonse likamfukamina,Ululimi lonse lukalapa ukuti lukaba ulwa cishinka+
24 Kabili lukalanda aluti, ‘Cine cine muli Yehova e mwaba ubulungami bwa cine na maka.
Bonse abamufulilwa bakesa kuli ena ninshi nabekatwa insoni.
25 Abana* ba kwa Israele bonse bakamona ukuti balicitile bwino+ filya basalilepo ukubombela Yehova,Kabili bakaitakisha pa fyo abacitila.’”
Amafutunoti
^ Mu ciHebere, “akakule ulupanga mu ntungu sha mfumu.”
^ Nelyo “Ukufuma ku kabanga ukufika ku masamba.”
^ Nelyo “ku umana.”
^ Nelyo “uwalipangile.”
^ Nelyo kuti yapilibula no kuti, “Nelyo bushe iloba kuti lyalanda aliti: ‘Umulimo obe tawakwata ifya kwikatilako’?”
^ Nelyo kuti yapilibula no kuti, “Ababomfi.”
^ Nelyo kuti yapilibula no kuti, “aba makwebo.”
^ Nelyo kuti yapilibula no kuti, “Uushalipangile ukuti mwiba nangu cimo.”
^ Mu ciHebere, “ulubuto.”
^ Mu ciHebere, “Ulubuto.”
