Esaya 46:1-13
46 Lesa Bele akontama,+ lesa Nebo akontama.
Ifilubi fyabo bafininika pa nama, pa nama ishisenda ifipe ifyafina,+Fili nge fipe ifyafina ifyo baninike pa nama ishinakile.
2 Bainama kabili bakontamina pamo;Bafilwa ukupususha ifipe fyabo ifyafina,*Kabili baya* mu kuba bankole.
3 “Umfweni kuli ine, mwe ba mu ng’anda ya kwa Yakobo, na imwe mwe bashalapo bonse pa ba mu ng’anda ya kwa Israele,+Imwe mwebo naleafwilisha ukutula fye ilyo mwafyelwe, kabili mwebo nalesenda ukutula fye ilyo mwali mwi fumo.+
4 Na lintu mukakota, ine nkaba fye cimo cine;+Na lintu umushishi wenu ukaba imfwi, nkatwalilila ukumwafwilisha.
Nga fintu ncita, nkamusenda, nkalamwafwilisha kabili nkamupususha.+
5 Nani mwingampashanyako nelyo ukuninganyako,+Pa kuti mpalane nankwe?+
6 Kuli abalefukumuna golde iingi mu cola;Bapima silfere pali sekelo.
Balipila uufula ifyela kabili apangamo ka lesa.+
Lyena balakakontamina kabili balakapepa.*+
7 Bakasendela pa mabeya+ yabo;Balakasenda, bakatwala pa cifulo ca kako, kabili katwalilila fye ukwiminina palya pene.
Takasela.+
Balalilila kuli kena ukuti kabafwe, lelo takasuka;Te kuti kapusushe umuntu nangu umo ku bucushi.+
8 Ibukisheni ifi, kabili shipeni.
Bikeniko umutima, mwe bampulamafunde.
9 Ibukisheni ifintu fya kale* sana,Ibukisheni ukuti nine Lesa, kabili takwaba na umbi.
Nine Lesa kabili takwaba uwaba nga ine.+
10 Ilyo kucili inshita iikalamba ndasobela ifikacitika ku ntanshi,Kabili kale sana nalisobele ifintu ifishilacitika.+
Ntila, ‘Ifyo nasalapo ukucita, nkaficita,*+Kabili nkacita conse ico natemwa.’+
11 Ndeita icuni icilya iminofu ukufuma ukutulila akasuba,*+Ndeita umwaume ukufuma ku calo ca kutali pa kuti ese acite ifyo nsalilepo.*+
Ninanda, kabili nkaficita.
Nimpanga, kabili nkacita+ ifyo mpangile.
12 Umfweni ifyo ndelanda mwe baba no mutima wa bucintomfwa,*Mwe bataluka ku bulungami.
13 Nimpalamika ubulungami bwandi;Tabuli ukutali,Kabili ukupususha kwandi takwakacelwe.+
Nkapususha Sione, ubucindami bwandi bukaba pali Israele.”+
