Esaya 43:1-28
43 Nomba Yehova,Uwakubumbile we Yakobo, Uwakupangile we Israele,+ alanda ati:
“Witiina, pantu nalikulubula.+
Nalikwita mwi shina lyobe.
Uli wandi.
2 Nga wapita mu menshi, nkaba na iwe,+Kabili nga wapita mu mimana, tawakebile.+
Nga wapita mu mulilo, tawakapye,No lubingu talwakakubabule.
3 Pantu nine Yehova Lesa obe,Uwa Mushilo wa kwa Israele, uukupususha.
Ninenga Egupti, Etiopia na Seba baba icilubula cobe.
4 Pantu walicindama mu menso+ yandi,Walicindikwa kabili nalikutemwa.+
E ico nkalenga abantu bakabe icilubula cobe,Kabili inko nkashipeela pa bumi bobe.*
5 Witiina pantu ndi na iwe.+
Nkafumya abana* bobe ku kabangaKabili nkamulonganika pamo ukufuma ku masamba.+
6 Nkeba akapinda ka ku kuso nati, ‘baleke baye!’+
Kabili nkeba akapinda ka ku kulyo nati, ‘Wibalesha ukuya.
Leta abana bandi abaume ukufuma ukutali, na bana bandi abanakashi ukufuma ku mpela she sonde,+
7 Onse uo betila kwi shina+ lyandiKabili uo nabumbile pa mulandu wa bukata bwandi,Uo napangile.’+
8 Leteni abantu abashimona nangu ca kuti balikwata amenso,Na bakoma amatwi nangu ca kuti balikwata amatwi.+
9 Inko shonse nashilongane pa cifulo cimo,Kabili abantu bonse nabalongane pamo.+
Nani pali bena uwingalanda ifi?
Nelyo nani uwingalenga twaishiba ifikabalilapo?*+
Lekeni balete bakambone pa kuti cishibikwe nga ca kuti balungami,Nelyo bomfwe kabili balande abati, ‘Ifyo balelanda fya cine!’”+
10 “Muli nte+ shandi,” e fyo Yehova alanda,“Ababomfi bandi abo nasala,+Pa kuti munjishibe kabili muntetekele*Na pa kuti mwishibe ukuti naba fye cimo cine.+
Takwali Lesa nangu umo uwabumbilwe uwantangilile,Kabili ku ntanshi takwakabe nangu umo.+
11 Ine nine Yehova,+ kabili takwaba umbi uupususha.”+
12 “Nine namwebele ifikacitika, nine namupuswishe kabili nine nalengele fishibikweIlyo muli imwe+ mushali lesa umbi.
E ico muli nte shandi,” e fyo Yehova alanda, “kabili nine Lesa.+
13 Kabili inshita yonse naba fye cimo cine;+Kabili takuli uwingampoka icili mu minwe+ yandi.
Nga nafwaya ukucita cimo, nani uwingandesha?”+
14 Yehova, Kalubula+ wenu, Uwa Mushilo uwa kwa Israele,+ alanda ati:
“Pa mulandu wenu nkabatuma ku Babiloni kukonaula imipindo yonse iya mpongolo,+Kabili abena Kaldi bakaloosha ninshi bali mu mato yabo pa mulandu no bucushi.+
15 Nine Yehova, Uwa Mushilo+ wenu, Uwabumbile Israele,+ Imfumu+ yenu.”
16 Yehova uupanga inshila pali bembaKabili uupanga umusebo pa menshi+ ayalulunkene,
17 Uuleta iceleta lya nkondo na kabalwe,+Ibumba lya bashilika na baume ba maka, alanda ati:
“Bakalambalala kabili tabakeme.+
Bakaloba; bakabashimya nge ciku.”*
18 “Mwilaibukisha ifya kale,Kabili mwilatontonkanya pa fyapita.
19 Moneni! Ndepanga ifintu ifipya;+Na pali ino ine nshita filemoneka.
Bushe tamufishibe?
Nalapanga inshila mu matololo+Kabili mu ciswebebe+ ndepishamo imimana.
20 Inama sha mu mpanga shikancindika,Bamumbwe na bamwakatala,Pantu nkalenga mu matololo mukabe amenshi,Na mu ciswebebe+ mukabe imimana,Pa kuti abantu bandi abo nasala+ bakalenwa,
21 Abantu abo naibumbiile,Pa kuti balenumbanya.+
22 Lelo tawalilila kuli ine pa kuti inkwafwe, we Yakobo+Pantu walintendwa, we Israele.+
23 Tawandetela impaanga sha mutulo wa koca,Kabili tawancindikila ku malambo yobe.
Nshakupatikisha ukundetela ubupe,Nangu ukukupatikisha ukundetela ububani bwabuuta+ ica kuti watendwa no kutendwa.
24 Tawanshitiile icimenwa icanunkila* mu ndalama shobe,Kabili amafuta ya malambo yobe nshayatemenwe.+
Lelo untulikila fye imembu shobeKabili naulenga natendwa ifilubo+ fyobe.
25 Ine, nine ndefuuta ifilubo+ fyobe* pa mulandu wandi,+Kabili imembu+ shobe nshakashiibukishe.
26 Njibukishako; natulubulule umulandu wesu;Landa ifishinka ukwete ifilelanga ukuti tauli no mulandu.
27 Icikolwe cobe ica kubalilapo calibembwike,Kabili aba kukulandilako* balimpondokela.+
28 E ico nkalamona intungulushi sha pa cifulo ca mushilo ukuti shalikowela,Kabili nkaleka Yakobo bakamonauleNa Israele nkaleka bakamusaalule.+
Amafutunoti
^ Nelyo “umweo obe.”
^ Mu ciHebere, “ulubuto.”
^ Ifi nalimo fintu fikabalilapo ukucitika ku ntanshi.
^ Nelyo “kabili muncetekele.”
^ Iciku ni ntambo ya nsalu iyo babika mu nyali pa kuti inyali ileaka.
^ Itete ilyanunkila.
^ Nelyo “ifyo ucita ifya bucipondoka.”
^ Nalimo aba balelandapo bantu balesambilisha amafunde.
