Si bé le tchou’te khegne Abraham ne gre ta’ temgoung, bing ha mtcho’ bi pou. É le ké temla’ bô ge “Israèl”. É le yap é pa’ mo yé gô pe lwô’ ghôm tsye ba ghamte nyenyô a. (Psaume 147:19, 20) Po’o, mtemgoung awè le fing ne ghe byagne tchye m ne po a Israèl.​—Ké Genèse 22:18.

Si le tchi po a Israèl ge wap pe mkwithè pye. Tchi pa’ wap le ne tchwe a da’te ge pou you’gne ne mtcho’ Si be pou gô ghe mbyagne. (Deutéronome 4:6) She pô le fing ne tchye m ne pou dagne ne jye Si nyenyô.​—Ké Isaïe 43:10, 12.

Tam le ne tchye, Israèl le ping gre byagne Si. Jéova neng de bemte mkritè kwyepgne temgoung bô. (Matio 21:43; 23:37, 38) A be tyô’ô, mkritè nyenyô né pe mkwithè Jéova ne ye tsu’ pe Israèl.​—Ké Mfa’ 15:14, 17.

Yéso le nyapte pekhu pye ne pe sing ghôm Si bing be gre she pekhu tchum goung mtemgoung awè. (Matio 10:7, 11; 24:14; 28:19, 20) Fa’ bô bo tchente ging tchwelô ye yeng wôdzu tchwepoung bo mi a. A be kwa’ dendze tchum ye Jéova de ghamte nyenyô tchou’te mshou’mshou’ pô ne goung mtemgoung awè a. (Apokalipse 7:9, 10) Mkritè nyenyô tchou’te ne pe ha kaktuô bing be kwite wap wap. Ne goung demtcha’ awè, ne mtchou’te map, wap ji’te Bible pe kwitchi, a ghe wap tsu pé ne.​—Ké Ébraika 10:24, 25.

Ne wô gou’ 1870, po mdoung pe ji’te Bible le ping djô she mnyenyô Bible mye a le be pou lé da’ duôgne a. Wap le yô ge Yéso bé le nyapte bemte mkritè ge wap pe sing ghôm Si. A tchye m po’o, wap le khète ne tem pé tchum medou mgoung, gôm nwe ne Nefo Si. Ne gou’ 1931, wap ghe tso Mkwithè Jéova.​—Ké Mfa’ 1:8; 2:1, 4; 5:42.

Ne dendze wôdzu khe, mbemte mkritè tchum medou mgoung le dzu pé ne pa’ Pe La’te Djye le da’te wap ne ying a. Pe La’te Djye bô le bing ge Yéso be Fo bemte. (Mfa’ 16:4, 5) Ba m tyô’ô, Pe La’te Djye kwite Mkwithè Jéova ne ying ne djye pepoung. Pe La’te Djye bô dé mtsu’ ne dé mfa’ mye a thoute, be gre imprimé bing be gap potse ne ji’te Bible ne mghôm 600 te thwôk a. É tchye po’o be de Bible ha mghôm kaktuô bing be da’te djye bi mbemte 100 000 te thwôk, tchum goung demtcha’ awè. Tchum be a ya bemte le, pe bè pye wap khou’ a fa’ mfa’ mghetso. Wap de koungne dé po mjuju Si.​—Ké 1 Pètro 5:2, 3.

Bemte Mkwithè Jéova fa’ ne sing mtchoung pepoung bing be kwite pômneng ne ji pekhu Yéso. Pye sing ghôm Si te ya’gne djye pa’ mghè them le gre a. (Mfa’ 20:20) Pye ha sô ne ji’te Bible bi pôpye wap koung nwe nyenyô a. Da’ge Mkwithè Jéova te be da’ thamte pô pe. Pye be ta’ toundye be a ghe ta’ Ta be é ghe koungne. Pye be mfe, be kwite wôk wôk tchetche pye. (2 Tesalonika 1:3) Pa’ bemte Mkwithè Jéova fa’ ne ne ŋwègne bi Si ba ne ne kwite pyeshe pô a, wap be toundye ye a be a ghe ŋwègne demtcha’ té’ a.​—Ké Psaume 33:12; Mfa’ 20:35.