Ons kan haat oorkom!
Was jy al die slagoffer van haat?
Al was jy nog nooit ’n slagoffer van haat nie, het jy al seker die een of ander vorm daarvan gesien. Die nuus is vol berigte van rassisme, xenofobie en homofobie. Dit is wanneer mense gehaat word as gevolg van hulle ras of nasionaliteit of omdat hulle homoseksueel is. As gevolg hiervan maak baie regerings wette teen verskillende haatmisdade.
Mense wat swaarkry omdat hulle gehaat word, haat dikwels ander mense. Slagoffers van haat baklei baie keer terug omdat hulle wraak soek, en dit lei tot ’n siklus van haat wat nooit ophou nie.
Dalk was jy al ’n slagoffer van diskriminasie, bespotting, beledigings en dreigemente. Maar haat gaan dikwels verder. Dit veroorsaak baie keer wrede en aggressiewe optrede, soos om ander te boelie, hulle besittings te beskadig, hulle aan te rand, te verkrag of te vermoor. Dit kan selfs tot rassemoord lei.
Hierdie tydskrif sal die volgende vrae beantwoord en wys hoe ons haat kan oorkom:
Hoekom is daar soveel haat?
Hoe kan die siklus van haat gebreek word?
Sal daar ooit ’n tyd wees wanneer haat vir ewig weggeneem sal word?
Jy sal dalk ook hiervan hou
DIE WAGTORING
’n Wêreld sonder vooroordeel
Werklike gevalle toon hoe die Bybel mense nou al help om vooroordeel te oorkom. Wanneer sal dit heeltemal uitgewis word?
BELANGRIKE BYBELLERINGE
Hoekom laat God toe dat mense swaarkry?
Baie mense vra hoekom die wêreld so vol haat en swaarkry is. Die Bybel gee ’n goeie antwoord wat mense vertroos.
