اَمثال 20:1-30
20 مے مذاق اُڑاتی ہے اور شراب بےقابو کرتی ہے؛جو شخص اِن کی وجہ سے گمراہ ہو جاتا ہے، وہ دانشمند نہیں ہے۔
2 بادشاہ کی دہشت شیر* کی دھاڑ کی طرح ہے؛اُس کے غصے کو بھڑکانے والا شخص اپنی جان خطرے میں ڈالتا ہے۔
3 لڑائی جھگڑے سے باز رہنا اِنسان کے لیے عزت کی بات ہےلیکن ہر بےوقوف شخص اِس میں اُلجھ جاتا ہے۔
4 سُست شخص سردیوں میں ہل نہیں چلاتااِس لیے کٹائی کے موسم میں اُس کے پاس کچھ نہیں ہوتا اور وہ بھیک مانگتا ہے۔*
5 اِنسان کے دل کے خیال* گہرے پانی کی طرح ہیںلیکن سُوجھبُوجھ والا شخص اِنہیں کھینچ نکالتا ہے۔
6 بہت سے لوگ اٹوٹ محبت کا دعویٰ کرتے ہیںلیکن وفادار شخص بڑی مشکل سے ملتا ہے۔
7 نیک شخص وفاداری کی راہ پر چلتا ہے؛
اُس کی آنے والی اولاد* خوش رہتی ہے۔
8 جب بادشاہ عدالت کرنے کے لیے تخت پر بیٹھتا ہےتو وہ اپنی آنکھوں سے بُرائی کو پھٹک کر الگ کر دیتا ہے۔
9 کون کہہ سکتا ہے: ”مَیں نے اپنا دل پاک صاف کر لیا ہے؛مَیں گُناہ سے پاک ہوں؟“
10 بےایمانی کے باٹوں اور غلط پیمانوں*دونوں سے یہوواہ گِھن کھاتا ہے۔
11 ایک بچے* کے کاموں سے بھی پتہ چل جاتا ہےکہ اُس کے طورطریقے پاک اور صحیح ہیں یا نہیں۔
12 سننے والے کان اور دیکھنے والی آنکھدونوں کو یہوواہ نے بنایا ہے۔
13 نیند سے پیار نہ کرو ورنہ آپ کنگال ہو جاؤ گے۔
اپنی آنکھیں کھولو اور آپ پیٹ بھر کر روٹی کھاؤ گے۔
14 گاہک کہتا ہے: ”یہ چیز بالکل بےکار ہے! کسی کام کی نہیں ہے!“لیکن وہاں سے جانے کے بعد وہ اپنے سودے پر شیخی مارتا ہے۔
15 سونا بھی قیمتی ہے اور مرجان* بھیلیکن علم سے بھرے ہونٹ اِن سے زیادہ قیمتی ہیں۔
16 اگر کوئی شخص کسی اجنبی کی ضمانت دیتا ہے تو اُس کے کپڑے لے لو؛اگر اُس نے کسی پردیسی عورت* کے لیے کچھ گِروی رکھا ہے تو وہ اُسے واپس نہ کرو۔
17 دھوکے سے کمائی روٹی اِنسان کو مزےدار لگتی ہےلیکن بعد میں اُس کا مُنہ کنکروں سے بھر جاتا ہے۔
18 صلاح مشورہ کرنے سے منصوبے کامیاب* ہوتے ہیں؛صحیح* رہنمائی لے کر اپنی جنگ لڑو۔
19 دوسروں کو بدنام کرنے والا راز فاش کرتا پھرتا ہے؛ایسے لوگوں سے میل جول نہ رکھو جو چغلیاں کرنا پسند کرتے ہیں۔*
20 جو شخص اپنے ماں باپ کو کوستا ہے،اُس کا چراغ اندھیرا ہونے پر بجھا دیا جائے گا۔
21 چاہے ایک شخص لالچ کر کے وراثت پا بھی لے،آخر میں اُسے برکت نہیں ملے گی۔
22 یہ نہ کہو: ”میں بُرائی کا بدلہ لوں گا!“
یہوواہ سے اُمید لگاؤ اور وہ آپ کو بچائے گا۔
23 بےایمانی کے باٹوں* سے یہوواہ گِھن کھاتا ہے؛دھوکا دینے والے ترازو اچھے نہیں ہوتے۔
24 یہوواہ ہی ایک شخص کے قدموں کی رہنمائی کرتا ہے؛اِنسان کیسے سمجھ سکتا ہے کہ اُسے کس راہ جانا چاہیے؟*
25 اگر کوئی شخص جلدبازی میں منت مان لیتا ہے
اور بعد میں اِس پر سوچ بچار کرتا ہے تو یہ اُس کے لیے پھندا ہے۔
26 دانشمند بادشاہ بُرے لوگوں کو پھٹک کر الگ کر دیتا ہےاور اُن پر گاہنے* کا پہیہ چلاتا ہے۔
27 اِنسان کی سانس یہوواہ کا چراغ ہےجو اندر کے اِنسان پر روشنی ڈالتا ہے۔
28 اٹوٹ محبت اور وفاداری بادشاہ کی حفاظت کرتی ہیں؛اٹوٹ محبت کی وجہ سے اُس کا تخت قائم رہتا ہے۔
29 جوانوں کی طاقت اُن کی شان ہوتی ہےاور بوڑھے لوگوں کے سفید بال اُن کی زینت ہوتے ہیں۔
30 چوٹ اور زخم بُرائی کو دھو دیتے ہیںاور مار کھا کر اِنسان اندر سے پاک صاف ہو جاتا ہے۔
فٹ نوٹس
^ یا ”جوان ببرشیر“
^ یا شاید ”کٹائی کے موسم میں اُسے ڈھونڈنے پر بھی کچھ نہیں ملے گا۔“
^ یا ”اِرادے“
^ عبرانی میں: ”بیٹے“
^ یا ”دو فرق فرق باٹوں اور دو فرق فرق پیمانوں“
^ یا ”لڑکے“
^ ”الفاظ کی وضاحت“ کو دیکھیں۔
^ یا ”کسی پردیسی“
^ یا ”پکے“
^ یا ”دانشبھری“
^ یا ”جو اپنے ہونٹوں سے دوسروں کو بہکاتے ہیں۔“
^ یا ”دو فرق فرق باٹوں“
^ یا ”اِنسان اپنی راہ کو کیسے سمجھ سکتا ہے؟“
^ ”الفاظ کی وضاحت“ میں ”گاہنا“ کو دیکھیں۔
