Mpase u Hen Yohane 5:1-14
5 Tsô m nenge Un u a tema sha ikyônough ki torough ki shon la lu a ihyurenruamabera ken uwegh nagh ku iyanegh,+ i nger kwagh kimi kua ken won na, i hure un i var gbang, sha akav ataankarahar.
2 Shi m nenge ortyom u taver iyol lu yôôn genger genger, kaan ér: “Ka an nan kom u samber ihyurenruamabera ne shi bughun akav a i var un a mi laa?”
3 Kpa or môm u sha, shin u shin tar, shin u shin atô u inyaagh nan kuma u samber ihyurenruamabera shon shin nengen ker ga.
4 Nahan m vaa tsung, er i zua a or môm u nan kom u samber ihyurenruamabera la shin nengen ker ga yô.
5 Kpa môm ken mbatamen mbara kaa a mo ér: “De u vaan. Nenge! Begha u ken ipyaven u Yuda,+ u a lu mise+ u Davidi la+ hemba,+ nahan una fatyô u samber ihyurenruamabera la shi bughun akav a na a ataankarahar la.”
6 Tsô m nenge waniyôngo+ tile hen atô u ikyônough ki torough kira man akaauma a anyiin la man mbatamen mbara,+ lu er i sôngo un nahan,+ lu a akor ataankarahar man ashe ataankarahar; ashe a ataankarahar la tile sha ityough ki ujijingi mba utaankaruhar mba Aôndo,+ mba i tindi ve sha tar cii yô.
7 Tsô a va fese a va ngohol un ken uwegh ku iyanegh ku Un u tema sha ikyônough ki torough la.+
8 Ngohol ihyurenruamabera la yô, akaauma a anyiin la man mbatamen mba 24 mbara+ gba inya hen ishigh ki Waniyôngo la, hanmô ve lu a adiguve man utasa mba sha zanaria, ve iv a insensi shimi poo poo. (Insensi la tile sha ityough ki mbamsen mba uicighanmbaiorov.)+
9 Ve gba wan icam i he,+ kaan ér: “We u kuma u ngohol ihyurenruamabera la shi bughun akav a na la, gadia yange i sôngo u shi u yam Aôndo ior sha awambe a ou,+ ken hanma ipyaven man hanma zwa man hanma nongoior man hanma ikyurior cii,+
10 shi u er ve ve hingir tartor+ man upristi sha ci u Aôndo wase,+ ka u vea tema tor*+ sha tar.”
11 M ngur kenger yô, shi m ungwa imo i mbatyomov kpishi, lu duen ape ikyônough ki torough kira man akaauma la kua mbatamen mbara lu la; iyenge ve lu udubu pue pue kwa udubu pue pue man udubu udubu,+
12 ve lu ôron genger genger ér: “Waniyôngo u yange i sôngo un la+ kuma u ngohol tahav man akaainjaa kpishi man kwaghfan man agee man icivir man iengem kua iveren.”+
13 Tsô m ungwa hanma kwagh u uma u sha man u shin tar man u shin atô u inyaagh+ man u shin zegemnger, kua akaa a a lu shin a ve cii, lu kaan ér: “Iveren man icivir+ man iengem man agee cii, i̱ lu akaa a Un u a tem sha ikyônough ki torough la+ man a Waniyôngo+ zan zan gbem sha won.”+
14 Akaauma a anyiin la lu kaan ér: “Amen!” Shi mbatamen mbara gba inya, civir Aôndo.
Ngeren mba shin kpe
^ Shin “vea lu ator a hemen.”
