Mpase u Hen Yohane 15:1-8
15 Tsô m nenge a ikyav igen sha, lu i̱ vesen shi i̱ kpilighyol; mbatyomov utaankaruhar+ lu a atsan ataankarahar. Atsan ne ka a masetyô, sha ci u aa been yô, iyugh i Aôndo kpa ia kure.+
2 Tsô m nenge a kwagh lu er ka zege-gelase u lun a mngerem+ kua usu shimi nahan; mba ve hemba+ inyamkyume la man eev mbu i̱ la,+ kua mba ve lumun ér i ver ve ikyav sha namba u iti i i̱ ga la cii,+ tile hen kpe u zege gelase u lun a mngerem shimi la, ve kôr mbaadigyuve mba Aôndo.
3 Ve lu wan icam i Mose,+ kpan u Aôndo, kua icam i Waniyôngo+ kaan ér:
“Ityom you vese shi i kpilighyol,+ we Yehova* Aôndo u Hemban Agee Cii.+ Ityom you ka i perapera man i mimi,+ we Tor u tsôron.+
4 Ka an je nana cia u ga, Yehova,* man ka an je nana wuese iti you ga? Gadia ka we tswen u eren kwagh a ior ou sha mimi ye.+ Gadia akuraior cii aa va civir we sha ishigh you,+ sha ci u i pase atindi* a ou a perapera la ken igbar.”
5 Kwagh ne eren kera yô, m nenge i lu bughun icighanjiir u ken tenti u eren shiada,+ u sha la,+
6 nahan mbatyomov utaankaruhar mba ve lu a atsan a ataankarahar la+ due ken icighanjiir la, ve hua akondo a wang man a mondon, shi hanma ve kange tsar u zanaria sha vanger.
7 Môm ken akaauma a anyiin la na mbatyomov mba utaankaruhar mbara agbande a sha zanaria, a iv a iyugh i Aôndo,+ un u a lu uma gbem sha won la.
8 Tsô icighanjiir la iv a mnyim sha ci u iengem i Aôndo+ man sha ci u tahav nav, nahan or môm fatyô u nyôron ken icighanjiir la ga zan zan atsan ataankarahar+ a mbatyomov mba utaankaruhar la kar been.
Ngeren mba shin kpe
^ Nenge Ngeren u Seer u A5 la.
^ Nenge Ngeren u Seer u A5 la.
^ Shin “ajiraôron.”
