Mpase u Hen Yohane 3:1-22
3 “Nger hen ortyom u tiônnongo u ken Sadisu la wer: Ka akaa a un u a lu a ujijingi mba Aôndo mba utaankaruhar+ man asan a ataankarahar la+ a lu ôron je ne: ‘M fa aeren a ou, u ngu uma ka ken iti tsô, kpa jighilii yô u ngu kpenegh.+
2 Kuran,+ nahan wase akaa a a shi her, a yange lu nôngon u kpen la a̱ taver, gadia m nenge u er ityom you sha ishigh ki Aôndo wam tsembelee ga.
3 Sha nahan yô, za hemen u umbur gbenda u yange u ngohol loho la shi u ungwa u la, shi za hemen u eren sha u, shi gema ishima.+ Saa u nder di je, gayô me va er ormbaiv ka nan va nahan,+ man cuku kpa u fa ihwa i me va ga.+
4 “‘Nahan kpa, u ngu a ior* kpuaa ken Sadisu, mba ve hôngor a akondo a ve ga yô,+ vea zende vea mo a akondo a pupuu iyol,+ sha ci u ve kuma sha ian i icivirigh ne.
5 Or u nana hemba yô,+ kape a zer nan ikyondo i pupuu je la,+ shi mayange me wua* iti i nan ken takeda u uma kera ga,+ kpa me ôr sha ishigh ki Terem kua sha ishigh ki mbatyomov nav er m fe iti i nan yô.+
6 Or u nan lu a ato yô, nana̱ ungwa kwagh u jijingi a lu ôron a atôônanongo ne.’
7 “Nger hen ortyom u tiônnongo u ken Filadefia la wer: Ka akaa a un u a lu icighan,+ shi a lu u mimi,+ un u a lu a kii i Davidi,+ ka a bugh sha er or a fatyô u wuhen ga, shi a wuhe sha er or a fatyô u bughun ga la, a lu ôron je ne:
8 ‘M fa aeren a ou—nenge! m ver hunda ivegher sha ishigh you,+ u or môm nana fatyô u wuhen ga yô. Shi m fa er u lu a an-utaha yô, shi yange u wa kwaghôron wam ikyo, u laha iti yam ga.
9 Nenge! Me na mba ve lu ken shinagoge u Satan, mba ve kaan ér ve mba Mbayuda, kpa ve lu ga,+ ve eren i lu aie la—nenge! me na vea va gure hen angahar a ou, shi me na vea fa er u doom ishima yô.
10 Er yange u wa loho u sha kwagh u ishimataver yam la ikyo* yô,+ mo kpa me kura u sha shighe u* ikyaren la,+ ka ikyaren i i lu van sha ior mba sha tar cii, sha u karen mba ve tem sha tar yô.
11 M ngu van fefa.+ Za hemen u kôron ave gbang sha kwagh u u lu a mi la, sha er or môm nana ngohol injar you la ga yô.+
12 “‘Or u nana hemba yô, me na nana hingir ityôgh ken tempel u Aôndo, shi mayange nana due ker ga; me nger iti i Aôndo wam sha a nan,+ kua iti i gar u Aôndo wam, Yerusalem u He+ u a dugh sha, hen Aôndo wam, a lu senen la, kua iti yam i he.+
13 Or u nan lu a ato yô, nana̱ ungwa kwagh u jijingi a lu ôron a atôônanongo ne.’
14 “Nger hen ortyom u tiônnongo u ken Laodishia+ la wer: Ka akaa a un u a lu Amen,*+ orshiada+ u jighjigh man u mimi,+ u a lu mhii u igbetar i Aôndo la a lu ôron je ne:+
15 ‘M fa aeren a ou, u tsee ga, shi u ndôhôr ga. Ma u tsee, gayô ma u ndôhôr.
16 Nahan, er u sagh a sagh, u tsee ga,+ u ndôhôr kpaa ga yô,+ m ngu haan we ken zwa wam kera.
17 Gadia u ngu kaan wer, “M ngu yôughyôugh+ shi m ngu a kwagh ave kpishi, kwagh môm banem ga,” kpa u gema u fa er kwagh a tser u, u kôr kunya, u kungu ican, u pir ashe shi u lu idyelegh ga.
18 Nahan m ngu kaan a we mer, yam zanaria u i ser un sha usu yô vea mo, sha er u hingir yôughyôugh yô, kua akondo a pupuu sha er u hua a iyol, kunya u idyelegh wou la ua due ken igbar ga yô,+ kua icigh ki shighen sha ashe,+ sha er u shighe sha ashe, nahan u nenge kera yô.+
19 “‘Mba ve doom ishima cii yô, ka m kôôm ve shi m tsaha ve.+ Nahan tese gbashima shi gema ishima.+
20 Nenge! M tile m ngu manden uwegh sha hunda. Aluer or ungwa imo yam man nan bugh hunda yô, me nyôr ken iyou i nan, me ya kwaghyan u aikighe vea nan imôngo, shi nan kpa nana ya vea mo imôngo.
21 Or u nana hemba yô,+ me na nan ian nana tema vea mo sha ikyônough ki torough yagh,+ vough er mo kpa m hembe ityav ve m tem+ vea Terem sha ikyônough ki torough nagh nahan.
22 Or u nan lu a ato yô, nana̱ ungwa kwagh u jijingi a lu ôron a atôônanongo ne.’”
