Mpase u Hen Yohane 16:1-21
16 Tsô m ungwa imo due ken icighanjiir+ la genger genger kaa a mbatyomov mba utaankaruhar mbara ér: “Za nen za gema nen agbande a ataankarahar a iyugh i Aôndo la haa nen shin tar.”+
2 Tsô u hiihii la yem za haa iyugh i shin gbande na la shin tar.+ Maa ior mba ve lu a ikyav i inyamkyume la+ kua mba ve lu civir eev mbu i̱ la,+ gba avav a bo, a nyoon tsung.+
3 U sha uhar la haa iyugh i shin gbande na la shin zegemnger.+ Maa a hingir er awambe a orkpen nahan,+ tsô hanma kwaghuma cii kpe, akaa a shin zegemnger cii.+
4 U sha utar la haa iyugh i shin gbande na la shin uifi kua amboramnger.*+ Maa ve hingir awambe.+
5 Tsô m ungwa ortyom u a lu a tahav sha mnger la kaa ér: “We u U lu, u ngise kpa u lu,+ We u U eren kwagh a ior ou sha mimi la,+ u ngu u perapera, gadia ka we u ôr ajir ne nahan ye,+
6 sha ci u ve haa awambe a uicighanmbaiorov man a uprofeti inya,+ nahan u na ve awambe wer ve ma;+ man ka kwagh u a kom sha a ve je la.”+
7 Tsô m ungwa atse a nan nagh la kaa ér: “Yehova* Aôndo, we Uhembanagee Cii,+ u ôron ajir sha mimi man sha perapera.”+
8 U sha unyiin la gema iyugh i shin gbande na la haa sha iyange,+ nahan i na iyange tahav ér i ta tsung ior ve̱ hughum iyol.
9 Tsô oo ta tsee je ior hughum iyol, kpa ve gema ve laha iti i Aôndo, un u a lu a tahav sha atsan ne la, ve gema ishima sha u vea na un icivir ga.
10 U sha utaan la gema iyugh i shin gbande na la haa sha ikyônough ki torough ki inyamkyume la. Maa tartor u i̱ wa ime,+ nahan nyoon ve je ve gba nyiman iniombor,*
11 kpa ve laha Aôndo u sha, sha ci u mnyoon ve la, man avav a bo a ve gbe la, ve gema ishima sha u vea undu ityom ve la ga.
12 U sha ataratar la haa iyugh i shin gbande na la sha zegeifi u Uferati,+ tsô mngerem nam uma kera,+ sha u sôron gbenda sha ci u utor+ mba ve lu vegher u iyangeduen la.*
13 Tsô m nenge a ujijingi mba hôngorov utar,* ve lu er ka mbaatungwa nahan, u môm due ken zwa u derakon la,+ ugen due ken zwa u inyamkyume la, ugen la di due ken zwa u profeti u aiegh.
14 Jighilii yô, ka akaaôron a a dugh hen azôv shi a lu eren uivande yô;+ nga duen zan hen utor mba sha tar cii, sha u kohol ve imôngo sha ci u ityav+ mbi iyange i vesen i Aôndo u Hemban Agee Cii la.+
15 “Nenge! M ngu van er ormbaiv nahan.+ Or u nan lu per+ shi nan lu a akondo a nan iyol her yô, a saan nan iyol, sha ci u nana zende idyelegh nana ya kunya sha ishigh ki iorough ga.”+
16 Tsô ve kohol ve imôngo hen ijiir i ka i yila ken zwa Heberu ér Armagedon* la.+
17 U sha utaankaruhar la haa iyugh i shin gbande na la sha ahumbe. Maa imo due ken icighanjiir,+ hen ikyônough ki torough kira genger genger, kaa ér: “Bee ve!”
18 Tsô inyiar swamen kua amo man idyuran, tar tenger wuee man sha utaha tsung; er uumace hii u lun sha tar je,+ tar lu a vande tenger nahan ga.
19 Nahan zegegar la+ pav ker avegher atar, shi agar a akuraior gba; shi i umbur Zegebabilon+ sha ishigh ki Aôndo, sha u nan un kôôpu u wain u iyugh i Aôndo.+
20 Shi hanma icile kar kera, iwo kpaa kera lu ga.+
21 Tsô awombo a vesen osough sha aôndo haa sha ior,+ hanma iwombo yuhwa kuma er talenti* môm nahan, nahan ior laha Aôndo sha ci u ican i ve ya sha awombo shon la,+ gadia awombo la vihi akaa je cieryol.
Ngeren mba shin kpe
^ Shin “azôr.”
^ Nenge Ngeren u Seer u A5 la.
^ Shin “ve gba nyiman tsumbu.”
^ Shin “utor mba sha ityoughkitaregh.”
^ Shin “akaaôron a hôngorough atar.”
^ Zwa Grika, Har Magedon, i zua a iti ne ken zwa Heberu; inja i i ér, “Uwo u Megido.”
^ Talenti u Mbagrika môm yange a yuhwa i kuma ukilogeram 20.4. Nenge Ngeren u Seer u B14 la.
