Yob 4:1-21
4 Dan a Teimansma Elifas taigi Yob:
2 „Yu ben o fuga efu wan sma ben o taki nanga yu?
Bika mi no man tan pî.
3 A tru taki yu gi furu sma pir’ai,yu tranga den sma di las’ati,
4 yu gi den sma di fadon dek’atièn yu meki swaki kindi kon tranga.
5 Ma now di yu de na ini problema, dan yu e bruya.*Now di sani e miti yu, yu e las’ati.
6 Yu e lespeki Gado, dan fa yu no e fertrow en?
Yu e dini Gado, dan fu san ede yu no abi howpu?
7 Denki a sani disi: Oiti yu yere taki wan sma di no du ogri, lasi en libi?
Oiti yu yere taki wan ret’ati sma dede?
8 San mi si, na taki den sma di e prakseri fu du ogrièn den sma di e sai problema, o koti dati tu.
9 Te Gado bro, den e dede.A bigi atibron fu en e meki taki den lasi libi.
10 Wan lew e bari èn wan yongu lew e meki b’bari,ma srefi den tifi fu wan tranga lew* e broko.
11 Wan lew di no e feni n’nyan e dedeèn den pkin fu en e panya na ala sei.
12 Kibrikibri mi kisi wan boskopu.Wan sma ben taki en safri na ini mi yesi.
13 Na neti mi kisi fisyun di frede mi,na a ten di ala sma ben e sribi.
14 Mi ben e beifi srefsrefi ènala mi bonyo ben e beifi fu di mi ben e frede trutru.
15 Wan yeye ben psa na mi fesi,dan mi kisi groskin.
16 Ne a tan tnapu,ma a no ben gersi wan sani di mi sabi.
Mi ben si wan sortu sani na mi fesi.Ala sani ben de so pî. Dan mi yere wan sten taki:
17 ’Wan libisma kan abi wan moro krin ati leki Gado?
Wan libisma man krin moro en Mekiman?’
18 A no e fertrow den futuboi fu enèn a feni taki srefi den engel* fu en e meki fowtu.
19 Dan san na libisma di e tan na ini oso fu tokotoko?A fundament fu den na doti.Sma kan masi den makelek, leki wan woron.*
20 Fu m’manten teleki neti sma e masi den finfini.Nowan sma e si srefi taki den dede. Fu têgo den no de moro.
21 Den de leki wan tenti di fadon fu di sma hari den t’tei puru.
Den e dede sondro fu abi koni.
