Yob 27:1-23
27 Ne Yob taki moro fara:
2 „Mi e sweri na Gado di no wani krutu mi na wan reti fasi.Iya, mi e sweri na a Almaktiwan di e meki mi nyan pina,
3 taki solanga mi e blo eteèn solanga Gado gi mi a krakti fu hari blo,
4 mi mofo no o taki nowan ogri sanièn mi tongo no o taki nowan sani fu bedrigi sma!
5 Noiti mi o taki dati unu abi leti!*
Mi o tan dini Gado teleki mi hari mi lasti bro!
6 Mi sabi taki mi e du bun èn ala ten mi o tan du dati.Solanga mi de na libi mi no o abi konsensi fonfon.*
7 Meki mi feanti kisi a srefi strafu leki den ogrisma.Meki den sma di wani feti nanga mi, kisi a srefi strafu leki den sma di lobi du ogri.
8 Bika sortu howpu wan ogri sma* abi te Gado kiri en,noso te Gado teki en libi?
9 Gado o arki en te a e bari kari enfu di a de na nowtu?
10 A o prisiri nanga na Almaktiwan?
A o kari Gado ala ten?
11 Meki mi leri unu sani fu a krakti fu Gado.*Mi no o kibri noti fu na Almaktiwan gi unu.
12 Un alamala si fisyun.Dan fu san ede unu e taki dondon sani?
13 Disi na san Gado e gi wan ogri sma.Na disi wan ogri-ati sma e kisi fu na Almaktiwan.
14 Awinsi a kisi furu pkin, fet’owru o kiri den.Den bakapkin fu en no o abi nofo n’nyan.
15 Wan takru siki o kiri den sma fu en di tan abra.Te den dede, den frow fu den no o krei gi den.
16 A e tyari solfru kon na wán neleki na dotièn a abi so furu krosi taki den de leki wan ipi tokotoko gi en,
17 ma na den ret’ati sma o weri den krosi fu enèn na den sma di no e du ogrio prati a solfru fu en.
18 Na oso di wan ogri sma bow no steifi srefsrefi.*A de leki a kampu di wan waktiman meki.
19 A o go d’don leki wan guduman, ma den gudu fu en o lasi gwe.*Te a o opo en ai, noti no o de moro.
20 Wan lo ogri e kon na en tapu leki wan frudu.Na neti wan bigi winti e tyari en gwe.
21 Wan winti fu owstusei o tyari en gwe, dan a no o de moro.A o teki en tyari gwe fu en presi.
22 A winti o wai kon na en tapu èn a no o sari en.Te a winti o kon nanga ala krakti, a o du ala sani fu man lowe gwe.
23 A winti e wiswasi enèn a e spotu en na en presi.*
Futuwortu
^ Hebrewtongo: „Noiti mi o taki dati unu na ret’ati sma”.
^ Noso: „Nowan dei fu mi libi mi ati o spotu mi”.
^ Noso: „wan sma di drai baka gi Gado”.
^ Noso kande: „Meki mi gi unu leri nanga yepi fu Gado”.
^ Hebrewtongo: „no steifi leki na oso fu wan mot”. Wan mot gersi wan vlinder, ma efu a no kon bigi ete a e gersi wan woron.
^ Hebrewtongo: „ma a no o man tyari noti kon na wán”.
^ Noso kande: „Den e naki anu gi en èn den e froiti gi en na den presi”.
