Yob 26:1-14

  • Yob e piki (1-14)

    • „Yu de wan bigi yepi gi wan sma di no abi krakti!” (1-4)

    • ’Gado e anga grontapu na noti’ (7)

    • ’Disi na soso wan tu sani di Gado man du’ (14)

26  Ne Yob taki:  2  „Ai, yu de wan bigi yepi gi wan sma di no abi krakti! Fu tru, yu ferlusu wan sma di abi swaki anu!  3  Na moi rai yu gi wan sma di no abi koni! Ala ten yu wani ferteri sma san den musu du!*  4  Nanga suma yu e taki?Pe yu kmoto nanga den denki disi?*  5  Den dedewan di no man du noti, e beifi.Den lagi moro a se nanga ala sani di e libi na ini.  6  Gado* man si ala sani di de na ini Grebi.*A presi pe sani e pori,* no tapu gi en.  7  A bradi a noordsei fu hemel na wan presi pe noti no de*èn a anga grontapu na noti.  8  A domru watra na ini den wolku fu en.Ma awinsi fa den wolku kon hebi, tòg den no e priti opo.  9  A e bradi den wolku na tapu en kownusturu,so taki sma no man si dati. 10  A hari wan strepi* na mindri hemel nanga se.A prati leti nanga dungru. 11  Den pilari fu hemel e sekièn den e beifi te a e opo en sten. 12  Nanga en krakti a seki a seèn nanga en koni a naki a bigi meti na ini se* panya. 13  Nanga en blo* a e figi hemel kon krinèn nanga en anu a boro a sneki di yu no man kisi makelek.* 14  Disi na soso wan tu sani di a man du.Na pkinso nomo wi yere fu en! Suma man ferstan fa a e meki a kfalek dondru bari?”

Futuwortu

^ Noso: „Ala ten yu wani gi sma wan lo rai”.
^ Noso: „Suma taigi yu fu taki den sani disi?”
^ Hebrewtongo: „A”.
^ Hebrew wortu: syeol. Luku Wortubuku.
^ Noso: „Abadon”.
^ Hebrewtongo: „na wan leigi presi”.
^ Noso: „horizon”.
^ Hebrewtongo: „Rahab”.
^ Noso: „Nanga winti”.
^ Noso: „sneki di e grati psa”.

Auteursrechten voor deze publicatie