Yob 14:1-22
14 Wan libisma di wan umasma mekie libi syatu èn a lai problema.*
2 A e opo kon leki wan bromki, dan a e dede gwe.*A de leki wan skaduw di e gwe es’esi èn di no de fu si moro.
3 Ma tòg yu e tan luku san a e duèn yu e tyari en* go na fesi krutu.
4 Fa wan sma di no krin kan kisi wan pkin di krin?
Nowan sma man du dati!
5 Efu wan sma musu libi fu wan pisi ten,dan na yu sabi o langa a o libi.A no man libi moro langa leki san yu wani.
6 No poti prakseri na en moro, so taki a kan rostu te fu kbaleki wan wrokoman di kba en wroko fu a dei.
7 Srefi wan bon abi howpu.
Efu sma kapu en a o sproiti bakaèn den nyun taki fu en o tan gro.
8 Efu en rutu kon owru na ini a gronèn en tompu dede na ini a doti,
9 a o sproiti baka te a e smeri watraèn a o kisi taki leki wan nyun bon.
10 Ma te wan man dede, a no man du noti moro.Pe libisma de te den dede kba?
11 A kan taki wan se no abi watra moroèn a watra fu wan liba kan lon drei.
12 Libisma srefi e go d’don èn den no e opo moro.
Den no e opo baka, solanga hemel de.Nowan sma o wiki den fu a sribi di den e sribi.
13 Ai, mi winsi taki yu ben o kibri mi na ini Grebi!*Mi winsi taki yu ben o kibri mi teleki yu ati no bron moro.Dan yu kan poti wan ten fu memre mi baka.
14 Efu wan libisma dede, a kan kon na libi baka?
Solanga mi de na ini katibo, mi o waktiteleki ferlusu kon.
15 Yu o kari mi èn mi o piki yu.
Yu o angri fu si mi,* a sani di yu meki nanga yu eigi anu.
16 Ma now yu e luku ala san mi e du.Na soso den sondu fu mi yu e si.
17 Yu tai den sondu fu mi na ini wan sakaèn yu plak den fowtu fu mi tapu nanga lijm.
18 Te wan bergi e broko fadon, dan te fu kba a no o de moroèn a no ala ten wan ston o tan na a srefi presi.
19 Watra kan broko stonèn furu watra kan wasi wan pisi gron puru.Na so yu e puru ala howpu fu wan libisma tu.
20 Yu e pina en teleki a dede.Yu e kenki en fesi, dan yu e seni en go na Grebi.*
21 Awinsi den manpkin fu en e kisi grani noso awinsi den no e kisi grani,tòg a no sabi dati.
22 En skin e hati en solanga a e hari blo*èn a e sari solanga a de na libi.”
