Onlad karga

Onlad saray karga

 WALA KASI NANDESINYO?

Navigational System na Bar-Tailed Godwit

Navigational System na Bar-Tailed Godwit

TALAGAN makapakelkelaw so panma-migrate na bar-tailed godwit. Sayan siwit et sarag toy ontikyab na 11,000 kilometro diad masulok ya waloran agew.

Nonot mo pa: Ibabaga na saray researcher ya uusaren na arum ya siwit so magnetic field na dalin diad panma-migrate da, ya singa walay compass ed utek da. Posiblin uusaren met na godwit so posisyon na agew tan saray bitewen. Naobserbaan met ya na-detect na godwit so galaw na dagem na onsasabin bagyo. No say dagem et paonlad direksion ya laen to, samboten na godwit so mibansag ed satan. Balet siansia nin agnatatalosan na saray eksperto iray detalye no panon ya nagagawaan na sarayan siwit iyan makapakelaw ya panma-migrate da. “Duamplon taon ko lan aaralen [irayan siwit],” so kuan na biologist ya si Bob Gill, “et siansia nin pandinayewan ko ra.”

Antoy Nibagam? Kasin basta labat la niwala so navigational system na bar-tailed godwit lapud ebolusyon? O walay nandesinyod satan?