BILAY NA KRISTIANO
Labay Mon Salien ya Sakey Taon?
Salien so anto? Manregular payunir! Seguradon dakel ya bendisyon so awaten mo!—Pro 10:22.
NO MANPAYUNIR KA, . . .
-
napaaligwas moy abilidad mon manpulong tan mas na-enjoy moy ministeryo
-
napabiskeg moy relasyon mod si Jehova. No lanang mon itotongtong ed arum so nipaakar ed sikato, mas nipapanonot ed sika iray makapadinayew ya kualidad to
-
naliknam so liket lapud iyuunam so Panarian tan uusaren moy bilay mo pian natulongan so arum.—Mat 6:33; Gaw 20:35
-
makaatendi ka ed miting na saray payunir no ombibisita so manangasikaso na sirkito, espisyal a miting antis na sirkiton asemblea, tan Pioneer Service School
-
mas dakel so pankanawnawam ya mangigapo tan mangikondukta na saray panagaral na Biblia
-
mas dakel so panaon mon manpulong a kaiba iray agagi, kanian makapanpapasesegan kayo.—Rom 1:11, 12
