(Karukey: 52:46)

Inyanunsio nen Juan a Managbautismo so kiwawala na Mesias. Inggapo nen Jesus so ministeryo to. Kaiba ed sayan episode irayan salaysay:

• Inggapo nen Juan a Managbautismo so ministeryo to (Lucas 3:1, 2; Juan 1:6)

• Ipulong nen Juan so “liwawa” (Juan 1:7, 8)

• Impulong nen Juan so bautismo (Mateo 3:1-12; Lucas 3:3-18; Marcos 1:1-8)

• Bautismo nen Jesus (Mateo 3:13-17; Marcos 1:9-11; Lucas 3:21, 22)

• Pinakiwas na espiritu si Jesus ya onlad kalawakan (Marcos 1:12, 13; Mateo 4:1; Lucas 4:1, 2)

• Say linya na pamilyan nanlapuan nen Jesu-Kristo (Lucas 3:23-38; Mateo 1:1-17)

• Agnampadaeg si Jesus ed saray tukso na Diablo (Mateo 4:2-11; Lucas 4:3-13)

• Imbaga nen Juan ya aliwan sikato so Kristo, pero sikato may maksil ya boses ed kalawakan (Juan 1:19-28)

• Impakabat nen Juan si Jesus bilang “Kordero na Dios” (Juan 1:29-31)

• Imbaga nen Juan ya anengneng ton dinmapo ed si Jesus so espiritu, tan impropesiya toy bautismo panamegley na masanton espiritu (Juan 1:32-34)

• Tinumbok na saray disipulo nen Juan si Jesus (Juan 1:35-39)

• Impila nen Andres so agi ton si Pedro ed si Jesus (Juan 1:40-42)

• Nagmaliw ya disipulo nen Jesus si Felipe tan Natanael (Juan 1:43-51)

• Diad agawan bansal ed Cana diad Galilea, pinagmaliw nen Jesus ya alak so danum (Juan 2:1-12)

• Say unonan impanlinis nen Jesus ed templo (Juan 2:13-17)

• Imbaga nen Jesus ed saray Judion onkokontra ed sikato ya ipaalagey toy templo ed loob na taloran agew (Juan 2:18-22)

• Dakel so anisia ed si Jesus lapud saray tanda ya ginawa to (Juan 2:23-25)