Ipholisi Yemfihlo
Ipholisi Yemfihlo
Okunye
Imithetho Ephathelane Lokusetshenziswa Kwalokho Ositshela Khona Ngawe
Imithetho Ephathelane Lokusetshenziswa Kwama-Cookies Lezinye Inhlelo Ezitshiyeneyo
UKUGCINA IMFIHLO
Sizimisele ukukugcina kuyimfihlo loba kuyini ositshela khona ngawe. Ipholisi le itshengisa ukuthi sikusebenzisa njani lokho ositshela khona okuphathelane lawe kuwebhusayithi yethu lakwamanye ama-apps eWatchtower Bible and Tract Society of New York, Inc. (“Watchtower”). Nxa ungangena kuwebhusayithi yethu kulezinto ezithile esizigcinayo njalo siyananzelela ukuthi kuqakathekile ukuzigcina ziyimfihlo kanye lokukwazisa ukuthi sizazisebenzisa njani. Ungakhetha ukusipha izinto eziphathelane lawe. Nxa sikhuluma ngezinto eziphathelane lawe kupholisi le sitsho izinto ezigoqela ibizo lakho, i-imeyili, ikheli yalapho ohlala khona, inamba zakho zocingo kumbe loba yini engasinceda ukuthi sibekwazi. Nxa sikhuluma ngewebhusayithi siyabe sisitsho iwebhusayithi le kanye lamanye awethu, ngokwesibonelo i-apps.jw.org, i-ba.jw.org, i-stream.jw.org, kanye le-wol.jw.org.
INDLELA ESIGCINA NGAYO LOBA YINI OSITSHELA YONA
Iwebhusayithi le kanye lamanye ama-apps ethu ngokweWatchtower. Le yinhlanganiso eseNew York engayenzi mali kodwa esekela izinto ezitshiyeneyo ezenziwa ngaboFakazi bakaJehova kanye lomsebenzi wabo wokufundisa abantu iBhayibhili. Nxa ungakhetha ukuvula i-akhawunti, ukunikela, ukucela ukufundiswa iBhayibhili kumbe okunye okuzadinga ukuthi usitshele okuphathelane lawe uyabe uvumelana lemithetho ekupholisi le. Okunye oyabe ukuvuma yikuthi okubhalayo ngawe kugcinwe emitshineni yethu ese-United States lokuthi iWatchtower lezinye inhlanganiso ezisetshenziswa ngoFakazi bakaJehova emazweni atshiyeneyo bakusebenzise kumbe bakuthumele kwezinye indawo loba bakugcine. Inhlanganiso le isebenza lasemazweni atshiyeneyo lapho okulezingxenye zayo. Nxa sekusiza endabeni zokuvikela izinto eziphathelane lawe, ingxenye lezi kungaba ngamabandla aboFakazi bakaJehova, amawofisi amagatsha kanye lezinye nje inhlanganiso zaboFakazi bakaJehova ezinjengalezi.
Indlela esigcina ngayo lokho ositshela khona iyatshiyana kusiya ngokuthi wenzani kuwebhusayithi yethu. Ngokwesibonelo nxa unikela, ibizo lakho lekheli yakho kanye lenamba zakho zocingo kuzabonwa yinhlanganiso onikela kuyo. Kanti njalo nxa ungasebenzisa iwebhusayithi yethu ucela ukufundiswa iBhayibhili, ibizo lakho lekheli yakho kanye lenamba zakho zocingo ziyaphiwa iwofisi yegatsha yakulelolizwe kanye lebandla laboFakazi bakaJehova ukuze kutholakale umuntu ozafunda lawe.
Nxa ilizwe ohlala kulo lilemithetho yokuvikela imfihlo, ungenelisa ukuthola ikheli kanye lenamba zocingo zelizwe ohlala kulo, lapho okugcinwa khona ku-Data Protection Contacts.
IMFIHLO YAKHO AYISOZE IBONWE NGABANYE
Siyakuqakathekisa kakhulu ukugcina imfihlo yakho kanye lokuyivikela. Sivikela loba yini ephathelane lawe sisebenzisa ezempucuko zakulezinsuku ukuze kungabi lomuntu oyibonayo engelamvumo, ukuthi kungabi lomuntu oyisebenzisa kubi kumbe ayitshele omunye umuntu, otshintsha kumbe odilitha izinto eziphathelane lawe ngokungekho emthethweni, lokuthi lokho oyabe ukubhalile kungalahleki. Bonke abantu abalemvumo yokubona loba yini ephathelane lawe balomlandu wokukugcina kuyimfihlo. Ulwazi osinika lona ngawe silugcina okwesikhathi esithile kusiya ngokuthi silugcineleni lokuthi imithetho yokugcinwa kwemfihlo ithi kumele silugcine okwesikhathi esinganani.
Nxa kungenzakala ukuthi sitshintshe imitshina esiyisebenzisa ukugcina imfihlo, siba leqiniso lokuthi okubhalileyo ngawe akusoze kulahleke kumbe kucine sekusezandleni ezingayisizo njalo sisebenzisa imitshina enjengeTransport Layer Security (TLS). Imitshina yethu siyivikela okokuthi umuntu ongelamvumo yokubona lokho okubhalileyo ngeke enelise ukukubona kumbe ukukuvula ukuze abone loba yini ephathelane lawe esiyigcinileyo. Siba leqiniso lokuthi akula loba ngubani ongelamvumo ongenelisa ukukhangela loba yini ephathelane lawe.
ABANTWANA
Nxa kuyikuthi elizweni ohlala kulo ubalwa njengomntwana futhi usebenzisa iwebhusayithi yethu, ungabhala okuphathelane lawe kuphela nxa uvunyelwe ngumzali wakho loba omunye umuntu omdala okugcinileyo. Nxa ungumzali kumbe kunguwe ogcine umntwana njalo uvuma ukuthi abhale okuphathelane laye uyabe uvumelana lomthetho okupholisi le mayelana lokusetshenziswa kwalokho okuzabe kubhaliwe.
AMANYE AMAWEBHUSAYITHI KUMBE AMA-APP
Ngezinye izikhathi iwebhusayithi yethu ingakusa kwamanye amawebhusayithi kumbe ama-app esisebenzelana lawo ukuze wenelise ukwenza ezinye izinto (ngokwesibonelo, ukugcwalisa amafomu ku-inthanethi). Nxa usukuwebhusayithi leyo uzabona ngoba ukukhangeleka kwayo kutshiyene leyethu kanti lekheli yakhona iyabe izatshintsha. Kanti njalo ungathola i-imeyili kumbe imeseji ngamawebhusayithi la nxa kuyikuthi wenze isicelo sokuthola ulwazi usebenzisa iwebhusayithi le kumbe nxa ucele ukwaziswa ngokuthile. Ngesikhathi sikhetha amawebhusayithi kumbe ama-apps esizasebenzelana lawo siyahlola indlela agcina ngayo imfihlo layivikela ngayo ukuze sibone ukuthi iyahambelana lamapholisi ethu yini, futhi ukuhlola lokhu sikwenza zikhathi zonke. Lanxa kunjalo kuyabe kulokunye akusebenzisayo esingeke sibe lamandla phezu kwakho. Ngakho nxa uwasebenzisa kungadingeka ukuthi ulandele amapholisi awo. Kanti njalo nxa engatshintsha okuthile kawasazisi, yikho kuyabe kumele ukhangele amapholisi awo ungakawasebenzisi. Nxa ufuna ukwazi okunengi ngewebhusayithi kumbe i-app engasiyethu sicela ukhangele ipholisi eyabe ibhaliwe khonapho.
Nxa usebenzisa iGoogle Maps kuwebhusayithi le, uyabe ungaphansi kwemithetho yeGoogle Privacy Policy. IGoogle ilemithetho yayo eyisebenzisayo kanye lama-apps esingelamandla phezu kwawo. Ngakho nxa ukuwebhusayithi le usebenzisa iGoogle maps, uyabe ungaphansi kwemithetho yeGoogle Maps/Google Earth Additional Terms of Service. Nxa bengatshintsha okuthile kabasazisi, yikho kumele uqale ukhangele imithetho yabo ungakayisebenzisi iGoogle Maps. Nxa ungavumelani lemithetho yabo ungayisebenzisi.
NXA IMITHETHO EKUPHOLISI LE INGATSHINTSHA
Siqhubeka siyithuthukisa iwebhusayithi le njalo singezelela lezinye izinto ezenza kube lula ukuyisebenzisa. Yikho imithetho yepholisi le izabilokhu itshintsha ukuze ihambelane lokutshintsha kwemithetho lezempucuko. Nxa kungaba lesidingo sokuthi sitshintshe ipholisi le, sihle silufake lolotshintsho ekhasini leli ukuze uhlale ukwazi ukuthi kuyini okumayelana lawe esikuthathayo lokuthi sikusebenzisa njani.
I-ACTIVE SCRIPTING KUMBE I-JAVASCRIPT
Sisebenzisa uhlelo lwamakhompiyutha olubizwa ngokuthi yi-scripting ukuze sithuthukise indlela iwebhusayithi yethu esebenza ngayo kanye lamanye ama-apps ethu. I-scripting yenza kube lula ukuthi sikubuyisele kuwe masinyane lokho oyabe ukubhalile mayelana lawe. Loba kunjalo kasiyisebenzisi ukufaka inhlelo zamakhompiyutha emtshineni wakho kumbe ukuthola ulwazi oluphathelane lawe kungelamvumo.
Kumele ufake i-Active Scripting kumbe i-JavaScript ku-browser oyisebenzisayo ukuze ezinye izingxenye zewebhusayithi yethu zisebenze kuhle. Ama-web browser amanengi ayavumela ukuthi i-Active Scripting loba i-JavaScript isebenze kumbe ingasebenzi kusiya ngokuthi yiphi iwebhusayithi evuliweyo. Khangela lapho ongathola khona imilayezo engakunceda ku-browser oyisebenzisayo ukuze ubone ukuthi ungayifaka njani i-scripting kwamanye amawebhusayithi owasebenzisayo.