Ipholisi Yemfihlo

•  Ukugcina Imfihlo

•  Indlela Esigcina Ngayo Loba Yini Ositshela Yona

•  Imfihlo Yakho Ayisoze Ibonwe Ngabanye

•  Abantwana

•  Amanye Amawebhusayithi

•  Nxa Imithetho Ekupholisi Le Ingantshintsha

•  I-Active Scripting Kumbe I-Javascript

Okunye

• Ipholisi Yokugcinwa Kwemfihlo YaboFakazi BakaJehova

• Imithetho Ephathelane Lokusetshenziswa Kwalokho Ositshela Khona Ngawe

• Imithetho Ephathelane Lokusetshenziswa Kwama-Cookies Lezinye Inhlelo Ezitshiyeneyo

Sizimisele ukukugcina kuyimfihlo loba kuyini ositshela khona ngawe. Ipholisi le itshengisa indlela esisebenzisa ngayo izinto ositshela zona eziphathelane lawe futhi kukuwe ukuthi uyafuna yini ukusitshela lezozinto. Nxa ungangena kuwebhusayithi yethu kulezinto ezithile esizigcinayo njalo sizigcina ziyimfihlo. Nxa sikhuluma ngezinto eziphathelene lawe sitsho izinto ezigoqela ibizo lakho, i-imeyili, ikheli yalapho ohlala khona, inamba zakho zocingo kumbe loba yini engasinceda ukuthi sibekwazi. Ungenelisa ukusebenzisa iwebhusayithi kumbe ezinye izingxenye zayo lanxa ungabhalanga izinto eziphathelane lawe. Ezinye izingxenye zewebhusayithi zigoqela i-apps.jw.org, i-tv.jw.org, i-stream.jw.org, kanye le-wol.jw.org.

Iwebhusayithi le ngeye-Watchtower Bible and Tract Society of New York, Inc. (“Watchtower”) Le yinhlanganiso eseNew York engayenzi mali kodwa esekela umsebenzi waboFakazi bakaJehova wokufundisa iBhayibhili. Nxa ungakhetha ukuvula i-akhawunti kuwebhusayithi yethu, ukunikela, ukucela ukufundelwa iBhayibhili kumbe okunye okuzadinga ukuthi usitshele okuphathelane lawe uyabe uvumelana lemithetho ekupholisi le. Okunye oyabe ukuvuma yikuthi loba kuyini okubhalayo ngawe kugcinwe emitshineni yethu emikhulu ese-United States lakwezinye izinhlanganiso ezisemthethweni ezisetshenziswa ngoFakazi bakaJehova emazweni atshiyeneyo. Inhlanganiso lezi ezisemthethweni zigoqela amabandla aboFakazi bakaJehova kanye lamawofisi amagatsha.

Ositshela khona ngawe kuyatshiyana kusiya ngokuthi wenzani kuwebhusayithi yethu. Ngokwesibonelo nxa unganikela usebenzisa loba yiphi inhlanganiso yethu esemthethweni kuzadingakala ukuthi ubhale ibizo, ikheli yakho kanye lenamba zakho zocingo ukuze kwazakale ukuthi nguwe onikeleyo. Ulwazi lolu luyagcinwa emitshineni yethu. Kanti njalo nxa ungasebenzisa iwebhusayithi yethu ukucela ukufundelwa iBhayibhili kuzadingeka ukuthi ubhale okumayelana lawe okuzagcinwa besekuthunyelwa ewofisini yegatsha yakulelolizwe. Ngemva kwalokho kuyathunyelwa ebandleni elithile ukuze kutholakale umuntu ozafunda lawe.

Nxa ilizwe ohlala kulo lilemithetho yokugcina imfihlo ephathelane lawe kumakhompiyutha ungenelisa ukuyithola lapho egcinwa khona ku-Data Protection Contacts.

Siyakuqakathekisa kakhulu ukugcina imfihlo yakho. Sisebenzisa ezempucuko zakulezinsuku ukuze kungabi lomuntu obona loba yini ephathelane lawe, ukuthi kungabi lomuntu ontshintsha izinto eziphathelane lawe ngokungekho emthethweni lokuthi lokho ositshela khona kungalahleki. Nxa kungenzakala ukuthi loba yini ephathelane lawe esilayo iyegcinwa ngezinye inhlanganiso siba leqiniso lokuthi lezonhlanganiso zilandela umthetho ofananayo wokugcinwa kwemfihlo. Ulwazi osinika lona ngawe silugcina okwesikhathi esithile kusiya ngokuthi silugcineleni lokuthi imithetho yokugcinwa kwemfihlo ithi kumele silugcine okwesikhathi esinganani.

Nxa kungenzakala ukuthi sintshintshe imitshina esiyisebenzisa ukugcina imfihlo, siba leqiniso lokuthi okubhalileyo ngawe akusoze kulahleke kumbe kucine sekusezandleni ezingayisizo. Imitshina yethu siyivikela okokuthi akulamuntu ongelamvumo ongenelisa ukuyivula ukuze abone loba yini ephathelane lawe esiyigcinileyo.

Nxa kuyikuthi usesengumntwana futhi ufuna ukusebenzisa iwebhusayithi yethu ungasitshela okuphathelane lawe kuphela nxa uvunyelwe ngumzali wakho loba omunye umuntu omdala okugcinileyo. Nxa ungumzali njalo uvuma ukuthi umntwana abhale okuphathelane laye uyabe uvumelana lomthetho okupholisi le omayelana lokusetshenziswa kwewebhusayithi ngabantwana.

Ngezinye izikhathi iwebhusayithi yethu ingakusa kwamanye amawebhusayithi esisebenzelana lawo ukuze wenelise ukwenza ezinye izinto (ngokwesibonelo, ukuze ugcwalise ifomu ku-inthanethi). Nxa usukuwebhusayithi engasoyethu uzabona ngoba ukukhangeleka kwayo kutshiyene kanti lekheli yakhona ayifanani leyethu. Ngesikhathi sikhetha amawebhusayithi esizasebenzelana lawo siyahlola indlela agcina ngayo imfihlo ukuze sibone ukuthi iyahambelana lepholisi yethu yini. Nxa ufuna ukwazi okunengi ngewebhusayithi engasoyethu sicela ukhangele ipholisi eyabe ebhalwe kuleyowebhusayithi.

Siqhubeka siyithuthukisa iwebhusayithi le njalo singezelela lezinye izinto ezenza kube lula ukuyisebenzisa. Intuthuko le kanye lokuntshintsha kwemithetho yokusebenza kwamawebhusayithi kwenza sintshintshe lemithetho yepholisi ngezinye izikhathi. Nxa kungaba lesidingo sokuthi sintshintshe ipholisi le, sihle silufake lolontshintsho ekhasini leli ukuze uhlale ukwazi ukuthi siyigcina njani imfihlo.

Sisebenzisa uhlelo lwamakhompiyutha olubizwa ngokuthi yi-scripting ukuze sithuthukise indlela iwebhusayithi yethu esebenza ngayo. Lokhu kwenza kube lula ukuthi isebenze masinyane. Loba kunjalo i-scripting kasiyisebenzisi ukufaka inhlelo zamakhompiyutha emtshineni wakho kumbe ukuthola ulwazi oluphathelane lawe.

Kumele uvule i-Active Scripting noma i-JavaScript ku-browser oyisebenzisayo ukuze ezinye izingxenye zewebhusayithi yethu zisebenze kuhle. Ama-web browser amanengi ayavumela ukuthi i-Active Scripting noma i-JavaScript isebenze kusiya ngokuthi yiphi iwebhusayithi evuliweyo. Khangela i-web browser help documentation ukuze ubone ukuthi ungakwenza njani ukuthi i-scripting isebenze kuhle ku-browser oyisebenzisayo.