ISikhumbuzo Sokufa KukaJesu
Sizakuba Khona NgoLwesine Mhlaka 2 April 2026
Kanye ngomnyaka oFakazi bakaJehova baba lombuthano wokukhumbula ukufa kukaJesu. Phela uJesu watshela abafundi bakhe wathi: “Qhubekani likwenza lokhu lingikhumbula.”—ULukha 22:19.
Siyakunxusa wena lemuli yakho embuthanweni lo.
Imibuzo Ejayele Ukubuzwa Ngabantu
Ngobani abavunyelwa ukungena?
Wonke umuntu uyavunyelwa. Ungabuya lemuli yakho yonke kumbe unxuse umngane wakho.
Umbuthano lo uthatha isikhathi esinganani?
Uthatha phose ihora elilodwa.
Kuzabuthanwa ngaphi?
Buza oFakazi bakaJehova abasendaweni yakini.
Kungenwa ngemalini?
Kungenwa mahala.
Kuzacelwa imali yini nxa sesingenile
Hatshi. Kuyo yonke imihlangano yaboFakazi bakaJehova akucelwa mali.—UMathewu 10:8.
Kumele ngigqoke njani?
Akulandlela eyodwa yokugqoka esiyilandelayo. Kodwa oFakazi bakaJehova bazama ukugqoka ngendlela elesithunzi lehloniphekayo.
Kuyabe kusenzakalani eSikhumbuzweni?
ISikhumbuzo sizaqala ngengoma besekukhulekwa. Ngemva kwalokho kuzakuba lentshumayelo esekelwe eBhayibhilini ezachasisa ukuthi ukufa kukaJesu kuqakatheke ngani lokuthi singenzani ukuze sincedwe yilokho uNkulunkulu loKhristu abasenzela khona. Ngemva kwentshumayelo le kuzahlatshelwa ingoma besekuvalwa ngomthandazo.
Ukuze ufunde okunengi ngombuthano lo bala isihloko esithi “Kungani Indlela OFakazi BakaJehova Abananza Ngayo ISidlo SeNkosi Itshiyene Leyezinye Izinkolo?”
ISikhumbuzo sizakuba khona nini eminyakeni elandelayo?
Ngo-2026: Sizakuba khona ngoLwesine mhlaka 2 April
Ngo-2027: Sizakuba khona ngoMvulo mhlaka 22 March
Nanku Okunye
ISIKHUMBUZO
Khumbula Ukufa KukaJesu
Siyakunxusa ukuthi ube khona embuthanweni lo oqakathekileyo. Uzafunda ukuthi ukufa kukaJesu kungakunceda njani.
ESSENTIAL BIBLE TEACHINGS
Kungani UJesu Wafa?
Mhlawumbe wake wezwa ukuthi wafela izono zethu. Kodwa kungenzakala njani ukuthi umhlatshelo owodwa uncede amamiliyoni abantu?
OKUMAYELANA LATHI
Imihlangano Yebandla YaboFakazi BakaJehova
Thola ukuthi sikhonzela ngaphi futhi sikhonza njani.