Mapinda 9:1-18
9 Mano ya cumi iyaikulila ing’anda;Iyaipangila incesi 7.
2 Iyapekanya ningo inyama;Iyapanga waini;Nupya iyapekanya ni vyakulya pa tebo.
3 Mano iyatuma aomvi yao aakazyanaPakuti yakimilile pa ncende zya musumba izitumpuke nu kupunda iyati:+
4 “Wensi aatamanya cimwi lekini aize muno.”
Mano yakunena aatakwata mano yakuti:
5 “Iza ulye vyakulya vyaneNu kumwa waini wino impanga.
6 Ta ukuya nu uwelewele pakuti uye nu umi;+Uwapita umu nzila ya kwiluka.”+
7 Aakalungika umuntu wa miponto aakasaalulwa,+Na wensi aakasunda umwipe alailetela insonyi.
8 Utaasunda uwa miponto pano alakupata.+
Uwasunda umuntu wa mano nawe alakutemwa.+
9 Uwasunda umuntu wa mano nawe alakwatilako mano.+
Uwasambilizya umulungami nawe alamanyilako na vyuze.
10 Ukutiina Yeova ali ntandikilo ya mano,+Nu kumanya Uwa Muzilo Sana+ ali kwiluka.
11 Pa mulandu wane, manda yako yalavula,+Nupya imyaka iya umi wako ilavulilako.
12 Nga waya na mano, mano yalalenga ivintu vikuzipile,Lelo nga waya uwa miponto ulailetelela wemwineco.
13 Umwanaci umuwelewele u wa congo.+
Asielenganya ningo nupya ataamanya icili consi.
14 Akaikala pa mulyango wa ng’anda yakwePa cilimba icaya umu ncende izitumpuke izya mu musumba,+
15 Ala akupundilila aapita nzila,Na aakuipitila sile aineco ukuti:
16 “Wensi aatamanya cimwi lekini aize muno.”
Akanena aatakwata mano ati:+
17 “Manzi ya kwiya yalyompa,Ni vyakulya vya mu umfisolo vikauvwika ningo.”+
18 Lelo umonsi wino umwanaci wiyo wama asimanya ukuti uku ng’anda ya mwanaci kwaya ivitumbi,Nu kuti aenyi yakwe yaya umwi Lindi.*+
Mafutunoti
^ Nanti “Sheo.” Lolini Ulondolozi wa Mazwi.
