Mapinda 3:1-35
3 Mwanane utailila vino nkukusambilizya,Nupya umwenzo wako walondela amasunde yane,
2 Pano yalalenga ukuti wikale manda aingiNi myaka ingi nupya ulaya nu mutende.+
3 Utaleka ukutemwa kwa cumi ni cisinka vikushe.+
Uvinyepelele umu nsingo;Nu kuvilemba umu mwenzo wako;+
4 Lyene Leza na antu yalakutemwaNupya yalamanya ukuti ukailuka.+
5 Uwataila Yeova+ nu mwenzo wako onsi,Nupya utaasintilila pa mano yako.+
6 Uwaiusha Leza muli vyonsi vino ukucita,+Nawe alaleka inzila zyako ziye izyololoke.+
7 Utaailola ukuti wewe wa mano.+
Uwatiina Yeova nu kutaluka uku viipe.
8 Ukucita vivyo kulapozya umwili wakoNu kukomya mafupa yako.
9 Uwacindika Yeova ukuomvya ivyuma vyako,+Kuli kuti ukuomvya ivyakulya vino watandikilapo ukuzombola;+
10 Lyene umu nkoma zyako mulazuula ivintu visuma,+Nu mu ncende zyako izya kufenelamo waini mulaasampooka waini umupya.
11 Mwanane utaakana ukusalapula kwakwe Yeova,+Nupya utapata ukusunda kwakwe,+
12 Pano Yeova akasunda yano watemwa,+Wakwe vino isi akacita uku mwana wino watemwa.+
13 Uwa nsansa u muntu aakazana mano+Nupya wino akasambilila ivya kwiluka;
14 Ukuzana mano kwazipa ukucila ukukwata siuva,Nupya ukuzana mano kwazipa ukucila ukuzana goldi.+
15 Mano yacindama ukucila mawe yano yakati kolo;*Kusi cili consi cino ungalinganya uku mano.
16 Kutantalizya umi kwaya umwi kasa lya kwi lunji;Ivyuma nu ucindami vyaya umwi kasa lya kuli cimani.
17 Ndi cakuti waya na mano ulaya ni nsansa,Nupya ulaya nu mutende.+
18 Mano yaya kwati umuti wa umi kuli yayo akayalondela,Nupya yayo akayalondela yalaya ni nsansa.+
19 Yeova waomvizye mano pa kupanga insi.+
Waomvizye ukwiluka pa kulenga mayulu kwikala muno ikala.+
20 Walesile ukuti manzi aingi yankanikane pakasi pa mulandu na mano yakweNupya walesile ukuti makumbi yaponya imvula.+
21 Mwanane utilila ivintu vii.*
Uwacingilila mano na maka ya kwelenganya;
22 Vilalenga ukuti uye nu umiNupya vilaya i ciyembelo cako ica mu nsingo;
23 Lyene ulaapita umu nzila yako umu mutende,Nu lwazo lwako lutalatala lupumike.+
24 Nga walaala utalatiina icili consi;+Ulaalala nupya ulaipakizya utulo.+
25 Utalatiina icili consi icikauvwisha intete+Nanti sile icimuza icikaiza pa yantu aipe+
26 Pano Yeova aliwe alakucingilila;+Alacingilila ulwazo lwako pakuti lutalemwa.+
27 Utaima ivintu visuma kuli yano yakulondekwa uwazwilizyo+Ndi cakuti ungakwanisha ukuyazwa.+
28 Utaanena umuzo uti, “Pitanga uce uwele mutondo alino ndakupeela,”
Ndi cakuti ungamupeela papo kwene.
29 Utaapangila ukucitila umuzo iciipe+Ndi cakuti akaikala umu mutende naawe.
30 Utaalemanila nu muntu apaula umulandu+Ndi cakuti atakucitiile iciipe icili consi.+
31 Utauvwila uzuwa umunkalwe+Nanti ukwezya ukumukolanya,
32 Pano Yeova wapata umuntu wa ucenjezi,+Lelo antu alungame aakaya ya cuza yakwe.+
33 Yeova akatiipa ing’anda ya muntu mwipe,+Lelo akapaala ing’anda ya muntu mulungame.+
34 Pano akaseka antu ya mitumfyo,+Lelo akauvwila uluse antu afuuke.+
35 Antu ya mano yalacindikwa,Lelo awelewele yalazewana.+
Mafutunoti
^ Lolini Ulondolozi wa Mazwi.
^ Ukulozya uku miyele yakwe Leza iyatilumbulwa umu vikomo ivili papela.
