Mapinda 31:1-31
31 Mazwi acindame a Mwene Lemueli, yano nyina wamunenyile akuti:+
2 I vyani vino nimakunena we mwanane?I vyani vino nimakunena we mwanane, wemuno wafumile umunda yane?Nupya i vyani vino nimakunena we mwanane, wemuno nalapiilepo imilapo?+
3 Utaapeela maka yako uku yanaci+Nanti u kukonka inzila izikaonona aene.+
4 We Lemueli,Aene yataalinga ukumwa wainiNa ya kateeka yataaliinga ukulanda iyati, “Uzye waini wane ali kwi?”+
5 Pakuti yataamwa nu kwilila masundeNa pakuti yataafyenga aalanda.
6 Peelini ivyakumwa ivikakola ku yantu ali umupiipi nu kufwa+Na waini ku yantu ali sana nu ulanda.+
7 Lekini yamwe nu kwilila uku upiina wao;Nupya lekini ilile uku ntazi zyao.
8 Mwavwangila asivwanga;Nu kucingilila insambu zyakwe yonsi ali umupiipi nu kufwa.+
9 Mwayavwangila nu kupingula umu ulungamiMwacingilila nsambu zya yalanda na apiina.+
א [Aleph]
10 A weni angazana umuci wa miyele isuma?+
Wene wacindama ukucila mawe yano yakati koolo.*
ב [Beth]
11 Iya wamutaila nu mwenzo wakwe onsi,Nupya akakwata vyonsi vino akulondekwa.
ג [Gimel ]
12 Umu umi wakwe onsi,Akacitila iya ivisuma, asimucitila iviipe.
ד [Daleth]
13 Akalonda kotoni ni nsalu isuma;Nupya watemwa ukuiombela ukuomvya makasa yakwe.+
ה [He]
14 Waya wa vimawato vya muculuzi,+Akaleta ivyakulya ukufuma ukutali.
ו [Waw]
15 Nupya akakatuka lino pacili ipafita,Pakuti apekanyizizye amu ng’anda yakwe ivyakulyaNa aomvi yakwe akazyana.+
ז [Zayin]
16 Akaceeceta icalo nu kucikala;Akailimila icalo ca myangazi umwineco.
ח [Heth]
17 Akaipekanya ukuomba umulimo ukome,+Nupya akakomya makasa yakwe.
ט [Teth]
18 Akasininkizya ukuti umulimo wakwe ukupitika ningo;Nupya lampi wakwe asizima usiku.
י [Yod ]
19 Akaya ni ca kupangilako kotoniNupya akapanga kotoni iya kupangilako ivya kuzwala.+
כ [Kaph]
20 Akaazwa aalanda,Nupya akapeelako aapiina.+
ל [Lamed ]
21 Asisakamala pali vino vimacitika uku ya mu ng’anda yakwe ndi cakuti kwaya usu wa mvula,Pano ala amu ng’anda yakwe yonsi yakweti ivyakuzwala umu mpepo.
מ [Mem]
22 Akaipangila ivya kwanza pa bedi.
Akazwala ivyakuzwala ivya nsalu isuma ni viyenzulukile.
נ [Nun]
23 Iya wamanyikwa ningo umu mpongolo zya musumba,+Muno akaikala pamwi na akalamba ya mu mpanga.
ס [Samekh]
24 Akapanga nu kukazya ivyakuzwala vya nsalu isumaNupya akakazya imisipi uku yaculuzi.
ע [Ayin]
25 Waya na maka nu ucindami,Nupya asisakamikwa pali vino vingacitika uku nkoleelo.
פ [Pe]
26 Akalanda ivya mano lino akutungulula yauze;*+Akalanda ni cikuuku.
צ [Tsade]
27 Akaangalila ivikacitika umu ng’anda yakwe,Nupya asilya ivyakulya vya ukasu.+
ק [Qoph]
28 Ana yakwe yakakatuka nu kumunena ukuti u wa nsansaIya akakatuka nu kumutaizya.
ר [Resh]
29 Kwaya anaci aingi aaya ni miyele isuma,Lelo wemo, wayacila yonsi
ש [Shin]
30 Kuloleka ningo kukabepa, nu kuyemba u kwa sile sile,+Lelo umwanaci aakatiina Yeova alatasiwa.+
ת [Taw]
31 Mupeelini icilambu pa milimo ino akaomba,+Nupya kayamutaizya pa mpongolo zya musumba pa milimo ino akaomba.+
