Mapinda 5:1-23
5 Mwanane ika mano uku mazwi yane aamano.
Kutikisha kuli vino nkukusambilizya pa kwiluka,+
2 Pakuti uwacingilila maka yako aakwelenganyaNupya lyonsi uwalanda ukulingana nu kumanya.+
3 Pano imilomo ya mwanaci uwaya ni miyele iipe yalyompa wi lela lya uci,+Nupya kanwa kakwe katelepa ukucila mafuta.+
4 Lelo pa cisila akaiza alula wa kamuti kalule+Nu kukalipa wa lupanga ulunyolwe koili.+
5 Ingazo zyakwe zikatwala uku mfwa.
Intapulo zyakwe zikatungulula ukwi Lindi.*
6 Asielenganyapo pa nzila ya ku umi.
Akalulumba umu nzila zyakwe lelo asimanya kuno zikuya.
7 Fwandi lyene yanane, kutikini kuli neneNupya mutafuma muli vino nkumunena.
8 Uwataluka uku mwanaci wiyo;Nupya utaapalama pa mulyango wa ng’anda yakwe,+
9 Pakuti antu yauze yatata uku kucindika+Na pakuti umi wako utaya umu ntazi;+
10 Pakuti antu yauze yatasenda ivyuma vyako+Na vino waombiile vitaya umu ng’anda ya muntu muze.
11 Nga caya vivyo ulalila pa mpela ya umi wakoLino umwili wako ulacepelwa amaka nu kononeka+
12 Nupya ulalanda uti: “Iyee mwe vino napasile ukusalapula!
Na vino mwenzo wane wapasile ukusunda!
13 Ntuvwilile aansambilizyangaNupya ntisileko mano kuli aliyo.
14 Indi umupiipi nu kufwa,Namafwila pa manso ya antu aingi.”+
15 Uwamwa manzi amu cisima cakoNa manzi aakukonkoloka ukufuma umu kafukoka kako.+
16 Uzye ungatemwa utufukoka twako tusalangane,Nu tunguzi twako twapita umu misolo ya yantu yonsi?+
17 Leka tuye sile utwako,Nupya tutaya utwa kwankana na antu yauze.+
18 Si kafukoka kako kapaalwe,Nupya uwasansamuka na mamako uwa ku ulumendo,+
19 Waya wakwe mpombo umutemwikwe nupya wayemba wa mbuzi ya myamba.+
Si maele yakwe yakusansamusha insita yonsi.
Si lyonsi uwasendwa ni citemwiko cakwe.+
20 Fwandi lyene mwanane umulandu ci uno ungasendelwa nu mwanaci uwa miyele iipeNanti ukukumbatila icisao ca mwanaci muze?+
21 Pano Yeova akalola inzila zya muntu;Akaceeceta inzila zyakwe zyonsi.+
22 Umwipe akaalemwa umu kuluvyanya kwakwe,Nupya alalemwa umu myando ya luyembu lwakwe.+
23 Alafwa pa mulandu wa kukana ukusalapulwaNupya alaponga pa mulandu wa kuvulisha kwa uwelewele wakwe.
Mafutunoti
^ Nanti “Sheo.” Lolini Ulondolozi wa Mazwi.
