Mapinda 20:1-30
20 Waini akalenga umuntu ukuponta,+ uwengwa ukalenga umuntu ataikaanya muli vino akucita;+Wensi wino ivintu vii vikapumbula atakwata mano.+
2 Kutiinya kwa mwene kwaya wa kung’anza kwakwe cisama;+Wensi aakamusosha akaika umi wakwe umu uzanzo.+
3 Umuntu aakataaluka uku vikanza akacindikwa,+Lelo iciwelewele cene cikaingilamo sile.+
4 Umukasu asilima pa mulandu wa kuutuka ukuzuka,Fwandi akalenga umu nsita ya kuzombola lino atakweti nanti acimwi.*+
5 Melenganyo ya mu mwenzo wa muntu yaaya wa cisima ca manzi cizike,Lelo umuntu aakailuka aakatapa manzi yayo.
6 Antu aingi yakalanda ukuti yaya nu kutemwa kwa cumi,Nomba uzye a weni angazana umuntu wa cisinka?
7 Umulungami akapita muli ukaele wakwe.+
Ana yakwe aalamulondela pa cisila aansansa.+
8 Lino umwene wikala pa cilimba ca wene pakuti apingule,+Akafumyapo iviipe vyonsi vino akulola.+
9 Uzye a weni angalanda ati: “Inzifya umwenzo wane;+Nene musanguluke uku luyembu lwane”?+
10 Masikelo ya ucenjezi ni vipimilo vya ufiVyonsi vyoili i vya winyi kuli Yeova.+
11 Nu mwana kwene akamanyikilwa kuli vino akacita,Ndi cakuti vino akacita i visanguluke nupya i vilungame.+
12 Ikutwi ilikauvwa ni linso ilikalola,Yeova u wavipanzile vyonsi vyoili.+
13 Utaatemwa ukulaala pano ungaponelwa nu upiina.+
Zyuka pakuti uwikute ivyakulya.+
14 Aakukala akati: “Cisi ningo, cisi ningo!”Lyene akapita nu kuya umu kuyuvwa.+
15 Kwaya goldi na ya koolo* aingi,Lelo imilomo ya mano yaaya iya mutengo.+
16 Mwapoka umonsi icakuzwala ndi cakuti walavile ukulipilila umwenyi inkongole;+Mwamupoka ndi cakuti wacisile vivyo uku mwanaci uwa ku mpanga yuze.+
17 Ivyakulya vino umuntu wazana umu ucenjezi vikauvwika ningo,Lelo pa cisila umu kanwa mukaiza mukuzuula umucanga.+
18 Apali ukulanzyanya mapange yakafikiliziwa,+Nupya uwalondela utunguluzi wa mano pa kulwa inkondo.+
19 Umuntu wa lwambo akapita ala akusokolola malyasi ya nkama;+Utazanwa pamwi nu watemwa ulwambo.
20 Wensi akatiipwila isi na nyina,Lampi wakwe alazima lino kwaya imfinzi.+
21 Ca upyanyi icikapokwa pa kutandika pa mulandu na ukaitemweCitalaleta ipaalo umu kuya kwa nsita.+
22 Utaalanda ukuti; “Ndawezezya iciipe pa ciipe!”+
Uwataila Yeova+ nawe alakupususha.+
23 Vipimilo vya ucenjezi i vya winyi kuli Yeova,Na masikelo ya ucenjezi yatazipa.
24 Yeova aakatungulula intampulo zya muntu;+Uzye umuntu angiluka uli inzila yakwe?
25 Caya wa citeyo uku muntu ukulanda zuwa zuwa ukuti, “I ca muzilo!”+
Nupya pa cisila atandika ukwelenganya pa mulapo uno walafile.+
26 Umwene wa mano akaelulula antu aipe+Nupya akapisha itayala lya kupuulilako pali aliyo.+
27 Umupu wa muntu a lampi wakwe Yeova,Ukalondelezya ivyaya umu mwenzo.
28 Kutemwa kwa cumi ni cisinka vikacingilila umwene;+Cilimba cakwe ica wene cikatungililwa nu kutemwa kwa cumi.+
29 Ucindami wa yalumendo aamaka yao,+Nupya imvwi i zikalenga akote ukuyemba.+
30 Ivikuzulule ni vilonda vikalenga tute ukucita iviipe,+Nupya ivyumo vikasangulula umwenzo wa muntu.
Mafutunoti
^ Nanti limwi, “Alaya umu kulonda umu nsita ya kuzombola lelo atalazana nanti acimwi.”
^ Lolini Ulondolozi wa Mazwi.
